Бүген безнең "Тургай" лагеры Бөреледән кунаклар кабул итте. Ике лагерьның кызлар һәм малайлар волейбол командалары арасында дуслык турниры узды. Ике як та сынатмады. Бөреле мәктәбенең командасы көчлерәк булып чыкты. Җиңүчеләр грамоталар белән бүләкләнделәр.

Бүген лагерыбыз соңгы көнен эшләде. Балалар Бөреле мәктәбенең волейбол командасы белән ярышканнан соң, лагерьның ябылу тантанасы узды. "Тургай" лагерының редколлегиясе отчет стенгазетасын чыгарды. Балалар җәйге лагерьдан күтәренке кәеф белән таралыштылар.

Бүген, лагерыбызның 18 нче көнендә,"Сәламәтлек минутлары " Эссе кагу.Эссе какканда беренче ярдәм" " дигән темага фикер алышу  булды. Әңгәмәне  авылыбызның фельдшеры Энҗе Рәсих кызы алып барды. Балалар бүген үзләренә бик күп  мәгълүмат тупладылар.

Лагерыбызның 17нче көнендә укучыларыбыз үзләренең талантларын сәхнәдә ачтылар. Көнебез "Сәхнә йолдызлары" исеме астында үтте. "Тургай" лагерына йөрүчеләр Коркачык мәдәният йортының "Нечкәбил" курчак театры труппасы составында Ямаширмә балалары алдында чыгыш ясадылар. Балаларга спектакль бик ошады.

Бүген безнең лагерыбызга Коркачык авылы  мәдәният йортыннан "Нечкәбил" курчак театры килде. Спектакльнең җитәкчесе Айгөл Хәйруллина балалар белән викторина үткәрде. Аннан соң бик эчтәлекле  "Сәламәтлек аланына сәяхәт"  дип исемләнгән спектакль куйдылар.Әлеге спектакль балаларга наркотикларга Һәм  зарарлы матдәләргә  каршы пропаганда алып бара. Балаларга  спектакль  бик ошады. Без бу курчак театрына  иҗади уңышлар теләп калабыз!

Хезмәт һәм ял лагерының 16нчы көне "Хезмәт десанты" исеме астында узды. Традицион зарядкадан башланган көнебез дару үләннәре җыю, макулатура тапшыру һәм бакчада эш белән үрелеп барды.

Бергә эшләве күңелле һәм рәхәт! Аеруча ярыша-ярыша макулатура тапшырганда кызык булды.

 Бүген лагерыбызда "Туган көн" көне булды. Туган көннәре лагерь чорына туры килгән  укучыларга бүләкләр тапшырылды. Бик кызыклы, мавыктыргыч уеннар үткәрелде.

Бүген лагерыбызда "Мульти-пульти" көне иде. Көнебез иртәнге зарядкадан башланды. Аннары "Мультвопрос" конкурсы,авыл китапханәсе белән берлектә "Көйне уйлап тап" уены, табышмаклар турниры үткәрелде.

"Тургай" лагеры 15нче көнне Иске Казан музей-тыюлыгына экскурсиягә барды. Экскурсовод Фәния апа һәр экспонат турында җентекләп сөйләде, Иске Казан тарихы белән таныштырды. Аннары без изге урынга- Мулла Хаҗи чишмәсенә юл тоттык. Савытларыбызны чишмә суы белән тутырып, Изге Ураза аенда теләкләребезнең чынга ашуын теләп лагерыбызга кайттык.