Бүген, 19 октябрьдә, Россиядә Лицейчы көне билгеләп үтелә. Бәйрәм 1811 елда ачылган Патша авылы лицее истәлегенә багышлана. Анда шагыйрьләр Пушкин һәм Дельвиг, диңгездә йөзүче Матюшино, канцлер Горчаков һәм декабристлар Пущин һәм Кюхельбекер укыган. Гимназиядә бу көнне бөек язучылар иҗатына багышланган "Әдәби мәйданчык" үткәрелә. Быел, кызганычка каршы, бу бәйрәмне без, җыелышмыйча, аерым билгеләп үтәргә мәҗбүр. Укучылар өчен мәгълүмати бишминутлык үткәрелде, фильм күрсәтелде һәм әсәрләр укылды.

17 октябрь көнне 5 б сыйныфында (укытучы Толстова В.И.)   А. Крылов иҗаты буенча презентацияләр яклау булды. Балалар бик тырышып эшләделәр, кызыклы һәм танып-белү материалларын тәкъдим иттеләр.

Гимназиядә “Көзге шәфкатьлелек атнасы” уңаеннан хәйрия акциясе узды. Хәйрия чаралары бездә даими рәвештә үтә. Бу юлы укучыларыбыз Анжела Вавилова исемендәге фондка ярдәм иттеләр. Бары бердәм булганда тормышның иң авыр мизгелләре җиңеллерәк үтелә. Ярдәмгә мохтаҗ кешеләр барын онытмыйк! 

5 б сыйныф укучысы Бурганов Ранэль Бөтенроссия иншалар конкурсының муниципаль этабында җиңүче булды. Җиңүче дипломы белән котлыйбыз!

"Векториада 2020" Бөтенроссия конкурсында "Авторлык шигырьләре һәм проза" номинациясендә 1 урын алган рус теле укытучысы Толстова Валентина Ивановнаны котлыйбыз. Алга таба да уңышлар телибез!

10.10.2020 Казанның «Ак Барс Арена» стадионы территориясендә бөтенроссия йөгерү көне - «Милләт кроссы» узды. Беренчел мәгълүматлар буенча, ярышларда 18 меңгә якын кеше катнашты. Бәйрәмдә катнашучылар арасында яшь спорт сөючеләр, спортчы-ветераннар һәм безнең гимназия укучылары да бар иде. Бу чарада катнашучыларга активлыклары өчен рәхмәт белдерәбез һәм аларга спортта уңышлар телибез!

Бүген, 5 нче октябрь көнне, безнең гимназиядә халык күп җыела торган урыннарда табигый һәм техноген характердагы гадәттән тыш хәлләрдә үз-үзен тотышына багышланган ачык дәресләр үткәрелде. Биредә бу темага багышланган презентацияләр каралды, лекцияләр укылды. Әңгәмәләр вакытында янгын куркынычсызлык мәсьәләләренә һәм ашыгыч хезмәтләрне бердәм “112” чакыру номерын куллануына аерым игътибар ителде.

Ел саен октябрь башында илебез матур бәйрәм – Россия укытучылары көнен билгеләп үтә. Нәкъ менә бу көнне безнең кадерле педагогларыбызга рәхмәт сүзләре әйтәләр, чәчәкләр һәм бүләкләр бүләк итәләр, концертлар оештыралар.

Бу атна – гимназиябездә җыештыру өмәсе атнасы дип игълан ителде. Гадәттәгечә бу чара территорияне чистарту һәм аны яшелләндерү буенча сентябрьнең соңгы атнасында үткәрелә. Укучылар сыйныф җитәкчеләре белән берлектә көнкүреш чүп-чарны, коры үләнне җыештырдылар. Өмә – ул җыештыру гына түгел, ул хезмәт һәм гражданлык-патриотик тәрбия дә. Безнең укучыларыбыз моны бик яхшы аңлыйлар һәм чисталык буенча үткәрелгән бу чараны хуплыйлар.