15 нче сентябрьдә 15.00 сәгатьтә Шаршады башлангыч мәктәп- балалар бакчасында ата-аналар җыелышы булды. Фельдшер Гөлфия Әнвәр кызы  ата-аналарга грипп төрләре, авыруны кисәтү, дәвалау эшләре һәм вакцинациянең әһәмияте турында ачыклык кертте.

26 нчы майдан 26 нчы июньгә кадәр“Наркотикларсыз тормыш” дип аталган акция дәвам итә. Бу акция кысаларында Шаршады башлангыч мәктәп – балалар  бакчасында оештырылган җәйге лагерьда төрле чаралар булып үтте.

Түгәрәк өстәл артында наркотикларның кеше организмына, дәүләт эшчәнлегенә  йогынтысы, сәламәт яшәү сораулары каралды. Мондый начар гадәтләрнең организмга, илгә китергән зыянлыгы турында сүз алып барылды.

Укучыларга тормышны яратырга, аның һәр минутын исәпкә алырга, кадерләргә кирәклеген аңлатылды

Кайсы гына мәктәп укучысы җәйге каникулны көтеп алып, өч ай буена туйганчы йоклау, рәхәтләнеп кояшта кызыну, су коену, табигать кочагында ял итү турында хыялланмый икән?! Әмма нәкъ менә җәйге чорда әти-әниләре контроленнән читкә тайпылып, урам иркенә чыккан малай-кызлар катнашында килеп чыгучы бәла-казаларның артуын да онытмаска кирәк. Балаларның ялларын файдалы һәм мавыктыргыч итеп оештыруның мөһимлеге дә юктан гына көн кадагындагы мәсьәләләрнең берсе буларак каралмый.

Җәйге каникуллар чорында өч атна дәвамында  көндезге мәктәп яны лагере эшләячәк. Анда 14 бала ял итәр, дип планлаштырыла. Мәктәп яны лагеры 5 июньдә үз эшчәнлекләрен башлап җибәрергә тиеш. Өч атна дәвамында балалар белән спорт уеннары, конкурс-викториналар оештыру, экология, мәдәният-сәнгать, туристлык юнәлешендәге әңгәмәләр үткәрү, экскурсияләргә йөрү, республикакүләм акцияләрдә катнашу каралган.

Бүген безгә күңелле дә, бераз моңсу да. Күңелле,чөнки башлангыч мәктәпне уңышлы тәмамлау көнен бәйрәм итәбез. Моңсу,чөнки балалар сабый чаклары белән саубуллашалар. 

19 май – пионер туган көнне бездә ничектер онытылган бәйрәм буларак кабул итәләр. Совет бәйрәмнәрен сагышланып искә алучылар бу көнне социаль челтәрләргә элекке пионер җырларын элә, пионерлык белән үткән балачакны җылы бер хатирә буларак искә ала. Татарстанда, беркайчан да балалар оешмалары яшәүдән туктамады. Исемнәр алышынды, идеологик ориентирлар үзгәрде, әмма балалар үзидарәсе үзенең элекке прото­тибының күп кенә сыйфатларын саклап калды.

Безнең мәк­тәптә, мәсәлән, балаларны яшеллек төсендәге галстук бәй­ләтеп, яшь экологлар  оешмасына алу яңартылды, хәтта тимурчылык та, бер сүрелеп, бер җанла­нып, үз эшен дәвам  иттеә. Даими булмаса да, бала­лар­ның ялгыз өлкәннәргә ярдәм итеп китүе кебек игелекле эш­ләре күзәтелә.

 Мондый традиция­ләрнең саклануы хәерлегә генә, әлбәттә.

Апрель аенда 4 нче сыйныф укучылары Бөтенроссия тикшерү эшләрендә сыналалар.  Укучылар рус теле, математика ,әйләнә-тирә дөнья буенча сынау эшләре язалар.

18 апрель- рус телендә грамматик биремле диктант;

20 апрель- рус телендә тест биремнәре;

25 апрель- математика;

27 апрель- әйләнә-тирә дөнья.

Бүген 4 нче сыйныф  укучылары  математика фәненнән Бөтенроссия тикшерү биремнәре үтәделәр. Эшләр шактый ук авыр һәм шул ук вакытта кызыклы иде. Укучылар бу сынауны  тиешле дәрәҗәдә үтәп чыктылар. Сыйныф җитәкчеләре Раимова Нәсимә Тахирҗан  кызы, укучыларының әлеге сынауларны уңышлы башкарып чыгачакларына бер дә шикләнми.

2014 елда РФ Президенты Владимир Путин ГТО системасын кайтару турындагы указга кул куйды. ГТО нормалары тапшыру быелгы уку елыннан мәктәпләргә кертелә һәм РФ мәгариф һәм фән министры Дмитрий Ливанов сүзләренә караганда, 2015 елдан башлап, ГТО комплексы тапшыру нәтиҗәләре югары уку йортларына кергәндә дә исәпкә алыначак.

Мәктәпләрдә 17 төр буенча ГТО нормативлары билгеләнгән һәм аларны өч этапта – сентябрь-октябрь, январь-февраль, апрель-май айларында тапшыру каралган.

4 нче сыйныф укучысы Вахитов Ринатка  2015/2016 уку елында  ГТО нормативларын үтәү дәрәҗәсенә карап көмеш билге бирелде.

20 марттан мәктәп укучыларының язгы каникуллары башланды. Быел язгы каникуллар 9 көн булып, 28 мартка кадәр дәвам итәчәк. Укучылары өченче чиректә бик тырышып укыдылар һәм күңелле чараларда катнаштылар. Мәктәбебезнең 5 укучысы  ,Габдрахманова Язилә ,Мауликаева Аделя, Абдуллин Рузиль,Сундуков Илфат, Коробейникова Анна, чирекне 4ле һәм 5ле билгеләренә генә тәмамладылар.  Каникуллар башлану уңаеннан мәктәптә балалар куркынычсызлыгына багышланган махсус чаралар үткәрелде.

Март аенда  Шаршады башлангыч  мәктәп – балалар бакчасының 1 нче сыйныф укучылары «Әлифба бәйрәме»н үткәрделәр (сыйныф җитәкчесе Нурмухаметова Рәзилә Рафаел  кызы). Бәйрәмдә балалар биеделәр, җырладылар, шигырьләр сөйләделәр һәм әти-әниләргә үзләренең белемнәрен дә күрсәттеләр. Бәйрәм күңелле үтте. 

Яз җитүгә, һава торышы үзгәрү белән бәйле булган бәхетсезлек очраклары аеруча арта. Юка боз катламы белән капланган сулыклар гражданннар һәм балалар өчен куркыныч тудыра. Балалар белән бәхетсезлек очраклары булдырмау йөзеннән Шаршады башлангыч мәктәбендә “Игътибар: юка боз”  дигән темага кисәтү дәресе үткәрелде.

 Бәлага юлыкмас өчен түбәндәге кагыйдәләрне истә тотарга кирәк.

Бозда куркынычсызлык кагыйдәләре:

• Исегездә тотыгыз: зәңгәр яки яшел төстәге боз гына нык булып санала. Җәяүлеләр өчен бозның калынлыгы 15 см. булырга тиеш. Боз өстеннән төркем белән бармаска кирәк, ара 5-6 м. булырга тиеш.
• Бозга караңгы вакытта һәм күз күреме начар булганда кермәскә тырышырга кирәк.
• Кар белән капланган урыннарда сак булырга, таяк белән тикшереп барырга кирәк.
• Әгәр дә боз чатнаса, кергән юлдан аякны шудырып кына кире чыгарга кирәк.
• Балык тотканда бер урынга күпләп утырмаска, саклагыч жилет кияргә һәм 15-20 метрлы бау алырга кирәк.
• Боз аша спиртлы эчемлекләр эчкән килеш чыгарга ярамый.
• Боз аркылы автомобильдә җирле үзидарә органнары оештырган, рөхсәт ителгән урыннардан гына чыгарга кирәк.

   Боз ватылып суга төшеп киткән очракта:

• Паникага бирелмәскә кирәк, боз калын булган якка чыгарга тырышасы. Бозга күкрәк белән шуышып менәргә, таяну мәйданын арттыру өчен аякларны киң итеп җәяргә кирәк.
• Боздан суга чыккач, аякка басарга ашыкмагыз,  шуышып яки тәгәрәп ераккарак китәргә кирәк.