Бүген I чирекне йомгаклары буенча класс җыелышлары уткәрелде.  Укучыларга чиреклек билгеләр аңлатылды.  Каникул чорында куркынычсызлык техникасы кагыйдәләре буенча инструктаж үткәрелде, имзалар алынды

2017 елның 26нчы октябрь  көнне Әтәс мәктәбе базасында гражданнар оборонасы өйрәнүләре уздырылды.

Бүген мәктәпнең түбәндәге составтагы командасы (Хисамов Б., Гәрәев А., Муллаянов И) Яңа Әлем мәктәбе базасында узган "Математик карусель-2017" район конкурсында уңышлы чыгыш ясап кайттылар. 

 11 октябрь көнне район үзәгендә СССРның спорт мастеры Ф.Ш.Шаемов призына “Алтын көз” исеме астында җиңел атлетика кроссы булып узды. Бу ярышта безнең мәктәптән укучылар  командасы  катнашып, төп мәктәпләр арасында 2 нчы урынны яулап кайтты. Җитәкчеләре физкультура укытучысы А.Д.Хәбибуллин. Җиңүләре белән котлыйбыз!

 Актаныш районы  мөгаллимнәрен һөнәри бәйрәмнәре белән тәбрик итү  чарасы  район мәдәният йортында  үтте. 

Бәйрәм чарасында безнең мәктәпнең рус теле һәм әдәбияты укытучысы Фаттахова Т.М.  РФ Фән һәм Мәгариф Министрлыгының грамотасы, тарих һәм җәмгыять фәне укытучысы Хәбибуллина С.Г. РТ Фән һәм Мәгариф Министрлыгының  Мактау грамоталары белән бүләкләнделәр.

 Бәйрәм белән котлап, Татар дәүләт җыр һәм бию ансамбле үз концерт программасын тәкъдим итте. 

11 сентябрь көнне мәктәптә гомуми ата-аналар җыелышы узды. Җыелышта районның полиция бүлегеннән балигъ булмаган балалар  белән эшләү инспекторы Ахунова А.А. балалар арасында хокук бозуларны булдырмау турында чыгыш ясады. Әтәс авыл фельдшеры Фаттахова И.Ә. гриппка каршы вакцинация ясатуның әһәмияте турында аңлатты.

Бүген мәктәптә Белем бәйрәме уңаеннан тантаналы линейка үтте.  1 нче сыйныфка 6  укучы кабул ителде. Бәйрәмдә авыл җирлеге башлыгы, хуҗалык җитәкчесе, ата-аналар, лаеклы ялдагы укытучылар  катнашты. Алар үзләренең бәйрәм котлауларын җиткерделәр.  Шул ук көнне  һәр класста  “Без тынычлык яклы  ” темасы астында тәрбия сәгатьләре үткәрелде. Балаларга тынычлыкны саклау, дус булу турында аңлатылды  һәм тәрбияви презентация күрсәтелде.

Актаныш районында узган район мәгариф хезмәткәрләренең август киңәшмәсендә Әтәс төп гомуми  белем бирү мәктәбенең тарих һәм җәмгыять белеме укытучысы Хәбибуллина Сөмбел Габдулла кызы яшь буынны укыту һәм тәрбияләүгә керткән зур өлеше, купьеллык хезмәте өчен Татарстан Республикасы Мәгариф һәм Фән Министрлыгының Мактау грамотасы белән бүләкләнде. Котлыйбыз, киләчәктә дә уңышлар телибез!