Һәр атнада балалар бакчасында спорт көне уза. Спорт мәйданчыгында балалар теләп спорт уеннарында катнашалар.

Кече яшьтәге  балаларының сәламәтлеген ныгыту бүгенге көндә иң мөһим факторларның берсе. Шуна курә бакчабызда җәйге чорда да  бу юнәлештә  эш даими алып барыла. Атнаның ике көне физкультура шөгыльләренә багышлана. Уртанчылар төркеме балалары - спорт мәйданчыгында. 

Чулпан апабыз дизайн, матурлыкны ярата. Без дә аңа ярдәм итәбез.

Һәр атнаның понҗешәмбе көнендә балалар бакчасында спорт уеннары, төрле бәйгеләр үткәрелә. Бу атнада логопед төркеме балалары (тәрбияче Ганиева Л.М.) ике командага бүленеп “Күңелле стартлар” эстафета уеннары уйнадылар.

Җэй көннәрен көтеп алабыз. Рәхәтләнеп театрлар үзебез куябыз, башка группадагы дусларыбызның  куйган тамашаларын карыйбыз Күңелле дә инде "Каенкай"да!

Табигать матурлыгы – рухи гүзәллек тәрбияләүдә зур роль уйный. Ә үз кулың белән  төрле-төрле чәчәкләр үстерү, үзең үстергән чәчәкләрнең матурлыгына соклану  бала күңеленә матурлык һәм ямь өсти. 1 кечкенәләр төркеме балалары Чулпан апалары белән бергә үз участокларында матурлык тудыру буенча эш алып баралар.

Уртанчылар төркеме балалары тәрбияче апалары Овчинникова О.И., Идрисова Д.З. белән Сельхозтехника бистәсендәге урамнар, аларда урнашкан оешмалар белән таныштылар, мәчеткә дә кереп чыктылар.

Актанышның матур урыннары буйлап сәяхәт итүне дәвам итеп, зурлар һәм логопед төркеме балалары (тәрбиячеләре Ганиева Л.М., Фатихова Ф.Ф.) дамба янындагы су буенда булдылар. Тау өстеннән туган ягыбызның матурлыгын, төзеклеген күзәттеләр. 

Сабантуй бәйрәме − татар халкының иң олы бәйрәмнәренең берсе. Сабан туе − ул һәркемнең көтеп алган изге милли бәйрәме. Милли культура, безнең әти-әни кебек, бала күңелендә аерып алмаслык бер кисәк булсын иде.

Безнен Актанышыбызда бу елда Сабантуй үзенчәлекле булды. Ул чыннан да милли иде. Бу бәйрәмдә безнең балалар бакчасы балалары да ямь өстенә ямь өстәделәр:  килгән кунакларга үзләренең җыр-биюләрен бүләк иттеләр, сабантуйның төп сәхнәсендә оештырылган дефиледә мөселман  киемнәреннән үттеләр. 

Балалар бакчасы имиджын булдыру максатыннан, коллектив педагоглары бердәм форма - эш киеме булдыру тәкъдиме белән чыктылар. Бакча җитәкчелеге һәм педколлектив бу тәкъдимгә бик теләп кушылды.  "Каенкай" бакчасы буларак, төсен дә яраклаштырып яшелдән сайладык. Коллективның яңа йөзе барлыкка килде. Уңышлар барыбызга да!