12 - апрель - космонавтика ккөненә багышлап балалар бакчасында бик күп чаралар үтте. Аларның берсе - ата - аналарның кул эшләре күргәзмәсе. Бу күргәзмә уртанчылар төркеме балалары һәм ата-аналарының эшләреннән оештырылды. Балалар бакчасы белән бергә хезмәттәшлекләре өчен аларга зур рәхмәт.

Бүген уртанчылар төркеме балалары белән җылы яклардан кайтучы кошларны каршы алдык. Алар яз, кошлар темасына багышлап бик күп шигырьләр сөйләделәр, җырлар җырладылар, табышмакларга җаваплар таптылар, уеннар уйнадылар.

"Балаларның үсешендә булган кимчелекләрне коррекцияләү эшчәнлеген тагын да яхшыртуда кулланыла торган эш алымнары" дигән темада үткәреләчәк педсоветка әзерлек кысаларында логопедның мәктәпкә әзерлек төркемендә Ганиева Л.М. ның эш алымнары белән танышттык.

Бүген Чалманарат балалар бакчасында база балалар бакчалары тәрбиячеләре "Мәктәпкәчә яшьтәге балаларны ике телгә өйрәтү" дигән темада фикер алыштылар, Чалманарат балалар бакчасы коллективының бу юнәлештәге эшчәнлеге буенча эш тәҗрибәсе белән уртаклаштылар.

Укытучы-логопед Нуртдинова Ф.Г. ның индивидуаль һәм төркемчә шөгыльләрендә балалар белән аваз әйтүдә кимчелекләрне төзәтүдәге эш алымнары белән таныштык.

Бүген "Ел тәрбиячесе-2018" бәйгесенең район этабында җиңү яулаган районыбыз тәрбиячеләре үз хезмәтләренә лаеклы бәя алдылар: районыбызның башкарма комитеты җитәкчесе Э.Н.Фаттахов тарафыннан чәчәк букетлары һәм мактау грамоталары алдылар. Алар арасында әлеге бәйгедә катнашып, мактаулы 2 урынга лаек булган тәрбиячебез Ганиева Л.М. да бар иде. Ләйсән Мәгъсүмовна! Без Сезне чын күңелдән элеге җиңүегез белән котлыйбыз. Алда да зур уңышлар теләп калабыз. 

Район күләмендә игълан ителгән "Иң яхшы спектакль куючы оешма" бәйгесе кысаларында без "Әниләр һәм бәбиләр" театры куйдык. Спектакльне тамашачылар бик яратып кабул итте. театрда барысы 14 хезмәткәр катнашты. Алар һәрберсе үз роленең эченә кереп уйнадылар. Алар тамашачыны елаттылар да, көлдерделәр дә. Аларның оста уйнауларында театрны сәхнәгә куючы Фатихова Г.Т. ның да хезмәте зур булды. Кызлар, Сез булдырдыгыз! Рәхмәт Сезгә!

Район күләмендә игълан ителгән "Иң яхшы театр куючы оешма" бәйгесенә безнең коллектив та теләп кушылды. Коллектив Туфан Миңнуллинның "Әниләр һәм бәбиләр" театрын әзерләде. 

Халкыбызның йолаларын, гореф-гадәтләрен балаларга өйрәтү максатыннан балалар бакчасында зурлар төркеме балалары белән "Хуш киләсең, Нәүрүз" дигән бәйрәм үткәрдек. Бәйрәмгә килгән балалар Нәүрүз кызы белән бергә халкыбызның «Йөзек салыш» уенын уйнадылар. Бәйрәмдщә Кыш бабай белән Нәүрүзбикәнең көч сынашуы балаларга бик кызыклы булды. Кыш бабай матур теләкләрен әйтеп китеп барды. Ә балалар бәйрәмне күңелле биюләр, матур җырлар, шигырьләре белән дәвам иттеләр. Балаларның уеннарын башка төркем балалары, әти-әниләре дә тамаша кылдылар

Һәр елдагыча, быел да "Тылсым" бакча-мәктәпнең үзебезнең бакчада тәрбияләнеп чыккан беренче класс укучылары белән спорт бәйрәме уздыру максаты белән мәктәп - бакчада булдык. Алар безне бик җылы кабул иттеләр, балалар көче белән әзерләнгән "Казлар-аккошлар" әкиятен сәхнәләштереп күрсәттеләр. Спорт бәйрәменә килгәндә, ике команданың да көчләре тигез булып, дуслык җиңүе белән тәмамланды. Ярышлар арасында һәр ике командадан да балалар үзләренең җыр-биюләргә осталыкларын күрсәттеләр.