24 ноябьдә район күләмендә егетләр арасында баскетбол ярышы булды. Бу ярышта Киров мәктәбеннән дә егетләр командасы катнашты һәм 5 нче урынны яуладылар.  

20 нче ноябрь көнне мәктәп күләмендә 1 -6 класслар арасында  "Сәламәтлек театры" үтте. Һәр класс бик актив катнашты һәм беренче урынны 2 нче класс укучылары яулады.

19 ноябрь көнне район күләмендә 7-11 класслар арасында математика фәненнән олимпиада үтте. 11класс укучысы Кашапов Шамил 2 урынны яулады. Афәрин! Киләчәктә дә шундый уңышларга ирешүеңне теләп калабыз.

17 ноябрь көнне район күләмендә кызлар арасында баскетбол ярышы булды. Әлеге ярышта безнең мәктәптән дә кызлар командасы катнашты һәм 3 урын яуладылар.

17 ноябрь көнне районда Акробатика ярышы булып узды. Әлеге ярышта Киров мәктәбеннән 6 класс укучылары Аглямов Илназ, Рашитова Алияләр катнашты.    Аглямов Илназ - 2 урын, Рашитова Алия - 3 урын яуладылар.

9 ноябрь көнне Актаныш "Иман" спорт сараенда Дүртиле, Әлмәт, Актаныш командалары арасында көрәш ярышы булды. Әлеге ярышта Киров мәктәбеннән 4 укучы катнашты һәм уңышлы чыгыш ясадылар.

1 ноябрь көнне район күләмендә "Хэллоуин" конкурсы үткәрелде. Бу конкурста Киров мәктәбеннән 4 укучы чыгыш ясады. Күмәк биюдә - район буенча 2урын, рәсем конкурсыннан 11 класс укучысы Шайхелмарданова Әлфия - 3 урыннарны яуладылар. 

29 октябрь көнне район күләмендә Универсиадага багышланган конкурс үткәрелде. Киров урта мәктәбе укучылары яхшы чыгыш ясады. Конкурсның һәр төрендә дә бик актив катнаштылар. Алда да аларга уңышлар телибез.