Мәктәптә һәркөнебез иртәнге зарядка белән башланып китә. Иртәнге зарядка баланың иртәнге йокысыннан торганнан соң сулыш, кан йөрешен, нерв системасының тонусын нормалләштерә, ашказанындагы һәм организмдагы матдәләр алмашын үзләштертә. Көндәлек зарядка, икенче төрле әйкәндә, гимнастика, баланың физик һәм уйлау-фикерләү сәлатен үстерә, шулай үк ата-анасыннан соң кәефсез калган баланың кәефен күтәрә, шулай үк шук булган балаларны дициплинага өйрәтә, оялчан баланы активрак булырга ярдәм итә

Әҗәкүлбашлангыч мәктәбендә ”Сәламәтлек – зур байлык”дигән темага сыйныф сәгате үтте. Чара барышында балалар дөрес тукланмау, көндәлек режимны сакламау, гигиена таләпләрен үтәмәү, аз хәрәкәтләнү һәм зарарлы гадәтләрнең нинди нәтиҗәләргә китерүен белделәр. Алар бик актив булдылар: уеннарда катнаштылар, сорауларга җавап бирделәр, сәламәтлек турындагы мәкальләрнең ахырын әйтеп бетерделәр. Сәламәтлек – безнең иң зур байлыгыбыз, аны сакларга кирәк дигән нәтиҗәгә килделәр.

    Кече яшьтәге мәктәп балаларына эстетик тәрбия бирү максатыннан мәктәбебездә бию сәнгате түгәрәге эшли. Бу яшьтә балаларга белем һәм тәрбия бирүдә һәрьяклы нигез салына. Башлангыч сыйныф укучыларында үз көчләренә ышану, кыюлык һәм тәвәккәллек сыйфатлары тәрбияләү дә бик мөһим. Бию түгәрәгендә һәр хәрәкәт, һәр күнегү баланың иҗатын, хыялын, игътибарын үстерүгә, инициативалылык, мөстәкыйльлек тәрбияләүгә, җәмгыять тәртибе кагыйдәләренә хөрмәт уятуга юнәлдерелгән. Бию түгәрәгенә йөрүче укучылар музыканы дөрес кабул итәргә, ишетергә, төрле бию хәрәкәтләре ясарга;Күңел күтәренкелеге, җанга-тәнгә сихәтлек, рәхәтлек алырга өйрәнәләр.

Хәзерге шау-шулы заманда юл йөрү кагыйдәләрен белмәү сәбәпле кече яшьтәге укучылар белән куркыныч хәлләр килеп чыгарга мөмкин. Менә шундый күңелсез хәлләр килеп чыкмасын өчен без башлангыч сыйныф укытучылары 1 класстан укучыларга юл йөрү кагыйдәләрен, билгеләрен өйрәтәбез. 21 сентябрь көнне Әҗәкүл башлангыч мәктәбендә юл йөрү кагыйдәләренә багышланган класс сәгате үтте.

Укучылар гриппка каршы прививка ясаттылар.

Экскурсия балаларда бик яхшы тәэсирләр генә калдырды.

Әти- әниләр һәм балалар ярдәме белән мәктәпнең тәҗрибә участогындагы бәрәңгене алдык. Тырыш хезмәтебез бушка китмәгән, уңыш - искиткеч.

Бәйрәмебез бик күңелле һәм эчтәлекле булды.  Актанышбаш авыл җирлеге башлыгы Мингазов Рәмис Ленар улы, ветеран укытучыбыз Бигашева Маддә апа балаларга , укытучыларга һәм ата- аналарга изге теләкләрен җиткерделәр.

Утырышта методик берләшмә җитәкчесе эш программасы, тәрбия планы, дәресләр бүленешенә кагылган сорауларга кабат кагылып китте. Уку елында булачак конкурслар, олимпиадалар, семинарлар белән таныштырды.

Мәктәпне яңа уку елына әзерлибез.