Февраль  аенда уза торган хәрби патриотик айлык чараларыннан берсе – “А ну ка, парни” спорт бәйрәмендә егетләребез үзләренең спорт әзерлекләрен сынадылар. 

Китапханәче  Мөнирова  Р. В. 15 февраль көнне  4 класс укучылары белән герой-шагыйрь  М. Җәлил туган көнгә һәм Әфганстаннан Совет гаскәрьләре чыгарылуга 28 ел тулуга  багышланган әңгәмә уздырды. Очрашу барышында  укучыларга күп кызыклы материал сөйләнде, китап күргәзмәсенә күзәтү оеәтырылды. 

Якынлашып килүче   “Ватанны саклаучылар” бәйрәме уңаеннан 7-9 класс укучылары  катнашында   “Ягез әле, егетләр” кичәсе узды. Кичә кызыклы ярышлар, концерт номерлары белән үрелеп барды. 

9 класс укучысы Ахмадуллина Алия 8-9 февраль көннәрендә Казан шәһәрендә узган  биология фәненнән укучыларның Бөтенроссия олимпиадасының региональ этабында җиңүче булды. Алияне һәм укытучысы Амирова  Р.З. чын күңелдән котлыйбыз!

15 февраль  көнне мәктәптә психологик десант оештырылды.  Психологлар  Имамутдинова М., Хазиева Н. укучылар белән әңгәмә кордылар.

Районда узган  “Шәп әйдаман” конкурсында 8 класс укучысы Исламова Э. катнашып уңышлы чыгыш ясады. Җитәкчесе Нуриева Г.Р.

Рәсем түгәрәгенә йөрүче 4 класс укучылары Арсланова Э. Һәм Нуриев Г. Бөтенроссиякүләм узган “Призвание” рәсем конкурсында катнашып, 1 дәрәҗә диплом белән бүләкләнделәр. Укытучылары Тухбатуллина А.Х. 

«Йолдызлык – 2017» бәйгесен сайлап алу туры узды. Чыгышлар  мәртәбәле жюри тарафыннан бәяләнде. 

7 февраль көнне  классларда  парламент сәгатьләре  узды. “Киләчәк мәктәбе ничек булыр?”, “Татарстан – 2030,  киләчәктә мин үземне ничек күрәм” һәм башка кызыклы темага сөйләшү, аралашу булды. Укучылар кызыксындырган сорауларга җаваплар эзләделәр. 

10 февраль  көнне 1 класс укучылары  “Хуш әлифбам!” кичәсе уздырдылар. Кичә барышындагы укучыларның  шигырь, җыр-биюләрне  оста башкаруын, кызыклы математика биремнәрен чишүләрен, әкиятләрдән сорауларга җавапларны ничек оста табуларын  ата-аналар да, килгән кунаклар да кызыксынып күзәттеләр.