14 ноябрь көнне IV, VI, VIII сыйныф укучылары инглиз теленнән диагностик тест эшләделәр. Татарстан Республикасы Фән һәм Мәгариф министрлыгы тарафыннан оештырылган әлеге тест, инглиз теле фәненнән укучыларның белем дәрәҗәсен билгеләячәк.

Укучыларның бөтенроссия фән олимпиадалары башланып китте. 14 ноябрь көне экология буенча үткәрелгән олимпиадада 2 укучыбыз: Миникеев Вилдан (8 класс) һәм Шәймурзин Данияр (7 класс) җиңүче һәм призер булып танылдылар. Аларны чын күңелдән котлыйбыз!

Наркоманиягә каршы көрәш кысаларында 15 нче ноябрь көнне 9 класс укучылары белән “ Наркотикларга юк!” дип исемләнгән класс сәгате үткәрелде.

11 нче ноябрь көнне мәктәбебезнең 9нчы класс кызлары “ КЭС-баскет” район күләмендәге баскетбол ярышында катнашып мактаулы 1 урынны яуладылар. Аларга киләчәктә республика күләмендә оештырылган ярышта да уңышлар теләп калабыз.

Ватанны ярату, патриотлык хисе һәр кешенең күңелендә булырга тиеш.Укучыларда шундый сыйфатлар булдыру өчен 7 нче ноябрь көнне 9 класс укучыларына “ Ватан-иң изге төшенчә” дип исемләнгән класс сәгате үткәрелде. Аларга “1941 ел парады” дип аталган видеофильм күрсәтелде.

Бүген, ягъни 9 нчы ноябрь көнне, районда 11 нче ноябрьдә үткәреләчәк “Кейс-баскет” ярышына әзерләнү максатыннан, Киров һәм Сәфәр мәктәбенең кызлар командасы арасында дусларча ярыш үткәрелде. Сәфәр кызлар командасы 50:25 исәбеннән җиңү яулады.

Нинди һөнәр сайларга? Бу сорау күпчелек чыгарылыш укучыларын борчый.Шуның өчен 25 нче октябрь көнне 9 нчы класс укучылары белән “Һөнәр сайлау-җаваплы эш” дип исемләнгән класс сәгате үткәрелде.

9 нчы класс укучылары белән 26 нчы октябрь көнне Гражданнар оборонасы буенча тәрбия сәгате үткәрелде. Класс җитәкчесе Илнар Шәйхенурович аның нәрсә икәнлеген аңлатты, әһәмияте турында сөйләде.

25 нче октябрь көнне башлангыч классларда “Бердәм интернет куркынычсызлыгы дәресе” үтте. Балалар дәрестә интернет куркынычсызлыгы турында мультфильмнар карадылар. Мәктәптә практика үтүче Гүзәл апаларының кызыклы сорауларына җавап бирделәр.

В рамках “Единого урока по безопасности в сети Интернет” учитель информатики Гилмуллина Чулпан Зулфатовна провела урок в 9- 11 классах. Учащиеся сначала посмотрели видео по данной теме. Потом прошли тесты по теме “Безопасность в сети Интернет”, где показали свои знания по данной теме.