5, 6, 7 нче сыйныф укучылары арасында тарих һәм татар теле, әдәбиятына багышланган сорауларга нигезләнеп төзелгән “Тамчы шоу” интеллектуаль уен үткәрелде. “Ялкын” командасы 40 балл җыеп, көндәше “Апушлар”ны икенче урынга калдырды. Кичә җанлы, кызыклы узды.

20 нче апрель - халыкара донорлар көне. Шул уңайдан 8 нче класс укучылары белән “ Гомерләрне саклаучылар” дип аталган класс сәгате үткәрелде. Класс җитәкчесе Илнар абыйлары донорлар, аларның  әһәмияте турында сөйләде, тәрбияви видеоролик күрсәтте.

Атналык кысаларында 21 апрель - “ Спортивный Татарстан”дип атала. Бу көнне Габдуллин Нарис Тимерһадиевич җитәкчелегендә урта класс укучылары белән күңелле эстафеталар, башлангыч сыйныф укытучылары  саф һавада хәрәкәтле уеннар оештырдылар.

19 нче апрель көнне 8 нче класс укучыларын җитәкчесе Илнар Шәйхенурович  “ Госуслуги Татарстан  порталы” белән таныштырып класс сәгате үткәрде. 

20 апрель көнне Юрий Гагарин исемендәге балалар оешмасы эзтабарлары һәм варислары  өлкәннәрнең өйләренә барып, үзләренең матур җырларын бүләк иттеләр. 

Бүген, ягъни 20 нче апрель көнне, тарих һәм әдәбият фәннәреннән 6 нчы сыйныф укучылары “Китапка ничә яшь?”, “Бөек Карл”, “Сәфәр авылы тарихы”, “Һ.Такташ” темаларына проектлар якладылар. Һәрбер фәнни эш эчтәлеге һәм эшләнеше буенча  тулы һәм аңлаешлы булды.

   Атналык кысаларында 18 апрель көнне 5 нче сыйныф укучылары белән “Кызыклы грамматика” (татар теленнән), ә 6 нчы сыйныфта “Тапкырлар һәм зирәкләр” (тарих фәненнән) уен-бәйгеләре үткәрелде. Ике команда арасыннан “Яшь тарихчылар” командасы җиңү яулады. Татар телен иң яхшы белүче булып Марданова Илина танылды

"Язгы мәрхәмәтлелек атнасы" кысаларында 17.04 көнне  өлкәннәргә ярдәм итү максатыннан һәр отряд шефлыкка барды.

“Язгы изгелек” атналыгы кысаларында башлангыч сыйныф  укучылары да актив катнаша. Бүген алар авылыбыз музеенда экскурсиядә булдылар.

Халкыбызның гражданлык активлыгын үстерү максатыннан, 17 апрельдән 25 апрельгә кадәр Татарстан Республикасында “Язгы мәрхәмәтлелек атнасы” акциясе уздырыла. Бу уңайдан безнең мәктәптә дә бик күп чаралар планлаштырылган. Акциягә мәктәбебез укучылары бик теләп кушылды. 6нчы класс укучылары, класс җитәкчеләре Закирова Ландыш Җәүдәт кызы белән берлектә, өлкәннәргә ярдәм иттеләр.