Был проведен районный конкурс чтецов посвященный 200 летию М.Ю.Лермонтова. Ученица 8 класса Мадъярова Чулпан заняла призовое 4 место. Поздравляем!

15 октябрь көнне район күләмендә "Вперёд, юнармейцы!" конкурсы булды. Безнең 10 укучыдан торган егетләр-кызлар командасы 3 урынны яулады. Алар: Гыйльманов, Басыйров, Хуҗин, Камалетдинов, Ганиев, Ахметов, Бикмөхәммәтова, Мәхмүтҗанова, Сәләхетдинова, Шәрәфетдиновалар. Без укучыларыбызны зур җиңүләре белән чын күңелдән котлыйбыз! Киләчәктә дә алдынгы урыннарны яуларга язсын!
 

Бүген район күләмендә көзге кросс булып үтте. Безнең мәктәптән кросска катнашкан укучылар: Шайхразиева С., Шәесламов Ф., Әхмәтов Ш., Бикмөхәммәтова Н., Яңгырлы, салкын көндә мәктәп даны өчен тырышып йөргән укучыларыбызга рәхмәт белдерәбез.

11 октябрь көнне район күләмендә бадминтон ярышы булып узды. Безнең укучыларыбыз да уңышлы гына чыгыш ясадылар. Шәхси беренчелектә 6 сыйныф укучысы Гыйльманова Рәмзилә 2 урынны яулады. Әфәрин, Рәмзилә! Котлыйбыз!

Мәктәп коллективында эшләп лаеклы ялга чыккан укытучыларыбызны, техник хезмәткәрләребезне кунакка чакырып хөрмәтләдек. Алар капиталь ремонттан соң өр-яңа мәктәпкә әверелгән бинабызны карап йөрделәр, безнең шатлыгыбызны уртаклаштылар. Үз чиратыбызда без дә аларны бәйрәм белән тәбрикләп матур теләкләребезне җиткердек, табын артында күңелле әңгәмә кордык. Өлкәннәребезгә чын күңелдән бәхетле картлык телибез!

Бүген укучылар коллективы яраткан укытучыларын һөнәри бәйрәмнәре белән тәбрикләделәр. Тантаналы линейкада укытучыларга багышланган матур җырлар, шигырь юллары яңгырады.

Теләкләрнең кайсын теләсәк тә

Аз булыр күк сезнең хөрмәткә

Аяз булсын мәңге күңел күгегез

Без калабыз шушы теләктә!

Бүген укытучыларның һөнәри бәйрәмнәре район күләмендә зурлап билгеләп үтелде. Мәктәбебез укытучылары тантаналы бәйрәм чарасында катнашып рухи азык алып кайттылар. Шундый матур, эчтәлекле бәйрәм кичәсе оештырган өчен җитәкчеләребезгә зур рәхмәт! Бәйрәмегез белән, кадерле укытучылар!

Өлкәннәр ункөнлеге башлану уңаеннан Татар Суксу авыл җирлегендә ярминкә булды. Мәктәп коллективы ярминкәгә мәктәп бакчасыннан җыелган уңыш һәм укытучылар сатуга тәкъдим иткән авыл хуҗалыгы продукциясе белән катнашты. Өлкәннәребез түбән бәягә генә тәкъдим ителгән кәбестә, суган, сарымсак, балны бик теләп алдылар.

5нче сыйныф укучылары үзләренә беркетелгән Баян Дәүләтов урамында яшәүче өлкән кешеләргә ярдәмгә бардылар. Салиха әбигә, Илгиз абыйга, Халидә апага, Флорида апаларга бакча эшләрендә булыштылар, чүп ташыдылар. Өлкәннәр аларга рәхмәтләр укып, тәмле алмалар белән сыйладылар." Кешегә яхшылык эшләү нык рәхәт икән! - ди, бишенчеләр.