Чакыра, тагын чакыра

Кыңгырау мәктәпләргә.

Бүгеннән белем көненнән

Уку елын башларга.

Бу уку елында 7 бала мәктәбебез бусагасын атлап керде. Алар инде 1 сыйныф укучылары. Аларга беренче укытучылары Чулпан Шәйхенур кызы Галиева белем һәм тәрбия бирәчәк. Мәктәптә 70 укучы белем һәм тәрбия алачак. Бары тик уңышлар телибез!

Продолжается  набор учащихся  в 10 класс ( агротехнологический профиль)

“Өстенлекле милли проект: бурычлар, федераль проектлар, төп чаралар” исеме астында Актанышта мәгариф хезмәткәрләренең август киңәшмәсе үтте. Әлеге чарада яңа уку елына максат-бурычлар билгеләнде. Киңәшмә кысаларында укытучыларның, тәрбиячеләрнең иң-иңнәренә төрле дәрәҗәдәге Мактау кәгазьләре, Рәхмәт хатлары тапшырылды. 

25 июнь көнне 9 нчы һәм 11 классны тәмамлаучы кызлар һәм егетләргә белем турында беренче рәсми документ - өлгергәнлек аттестаты тапшырылды. Чарада әти-әниләр, фән укытучылары катнашты.

Имтиханнар тәмамланды. Укучылар барлык имтиханнарны да уңышлы тапшырып, белемнәре турында беренче рәсми документларны алырга әзерләнәләр.

Җәйге мәктәп яны лагеры үз эшен тәмамлады. Лагерьга йөрүче балаларга күчтәнәч пакетлары әзерләнде. Җәйге каникуллар имин узсын.

6 июнь рус шагыйре А.С.Пушкинның тууына 220 ел тулу уңаеннан мәктәп яны лагерында чаралар оештырылды. Бу көн рус теле һәм әдәбияты көне дип игълан ителеп, лагерьга йөрүче балалар әдипнең әсәрләренә иллюстрацияләр ясадылар, әсәрләрен искә төшерделәр. Китапханәче Шаемова Гөлшат апалары балалар өчен төрле кызыклы мавыктыргыч чаралар, викториналар әзерләгән иде. Бу көн балаларга бик ошады.