4 май көнне мәктәпнең актлар залында авылдашыбыз, шагыйрь Ленар Шәехнең иҗатына багышланган кичә оештырылды. Чарада шагыйрь үзе,әти-әнисе, туганнары, гаилә дуслары, каләмдәш дусты Рифат Сәлах, "Агыйдел дулкыннары" иҗади берләшмәсе әгъзалары: Рәмзия Әхмәтова, Фәнәвис Дәүләтбаев, Роберт Сәлахиев, район үзәк китапханәсе җитәкчесе Шәмсунова Ландыш Җәүдәт кызы, укытучылар, укучылар катнашты. Кичә Такталачык авылыннан чыккан күренекле әдип  Гамил Афзалның язмышына багышланган видеосюжет белән башланып китте. Бу һич тә очраклы түгел, чөнки якташыбыз иҗаты Ленар Шәехкә шигърият иленә керүгә зур этәргеч бирә. Чара барышында Л.Шәехнең әнисе Лениза апа, гаилә дуслары, язучы-шагыйрьләр, укучылар чыгыш ясап, яшь әдипнең шигырьләрен укыдылар, үзләренең тәүге иҗат җимешләре белән таныштырдылар. Кичә эчтәлекле һәм кызыклы үтте, аны авыл китапханәчесе Д.Ш.Гайсина алып барды. Л.Шәех үзе дә сәхнәдән шигырьләрен укыды, авыл һәм мәктәп китапханәсенә китаплар бүләк итте. Чара күмәкләп истәлеккә фотога төшү белән тәмамланды. 

9 май - Җиңү көне якынлаша. Укучылар бәйрәмгә әзерлек чараларын башлап җибәрделәр. 3 май көнне 8 класс укучылары һәйкәл янын чистартып кайттылар.

30 апрель көнне мәктәпнең актлар залында Такталачык авыл җирлеге, авыл мәдәният йорты, мәктәп белән берлектә "Авыл көне" уздырылды. Чарада җирлегебездән чыккан күренекле шәхесләр, аларның балалары, оныклары, туганнары, җирлек тормышын яхшыртуга үз өлешен керткән һөнәр ияләре катнашты. Оста куллар тудырган иҗади хезмәтләр, кул эшләре күргәзмәләре беркемне дә битараф калдырмады. "Авыл көне" җирлек тарихы сәхифәләре,истәлекләр, концерт номерлары белән чиратлашып барды, музейда укучылар чыгышы оештырылды. Җырга-моңга сусаган авыл халкына мәктәбебезнең хатын-кызлар вокаль ансамбле үз җырын бүләк итте,тәрбия эшләре буенча директор урынбасары Р.Р.Гайсин гармунда уйнап, мәгариф ветераны, озак еллар мәктәп директоры булып хезмәт куйган лаеклы ялдагы укытучы К.Б.Фәйрушин җырлап, көчле тавышы белән залны үзенә каратты. Сәхнәгә күтәрелгән һәркем истәлек-хәтирәләрен уртаклашты. Чараны авыл китапханәчесе Д.Ш.Гайсина алып барды. 

Район мәгариф бүлеге планы нигезендә күпкырлы сәләтле, зыялы татар балаларын барлау, аларны үз яшьтәшләре арасында республикакүләм таныту, татар шигъриятенә мәхәббәт тәрбияләү максатыннан, 25 нче апрель көнне “Г.Тукай исемендәге шигырь укучылар” бәйгесенең район этабы үткәрелде. Безнең мәктәптән дә  әлеге бәйгедә укучылар теләп катнашты.

28 апрель көнне мәктәпнең актлар залында "2017-2018 нче уку елына мәктәп эшчәнлегенә анализ" темасы астында гомуми ата-аналар җыелышы узды. Җыелыш барышында мәктәп директоры А.Ш.Рахманов, башлангыч сыйныф укытучыларының методик берләшмәсе җитәкчесе А.Ф.Исламова, гуманитар фәннәр укытучыларының методик берләшмәсе җитәкчесе Л.Ф.Гайсина, төгәл фәннәр укытучыларының методик берләшмәсе җитәкчесе А.М.Гыйльфанова, сыйныф җитәкчеләренең методик берләшмәсе җитәкчесе З.Ф.Шәемова чыгыш ясадылар. Уку елы дәвамында мәктәп һәм район тормышында актив катнашкан, уку, сәнгать, спорт юнәлешендә яхшы күрсәткечләргә ирешкән укучылар мактау грамоталары белән бүләкләнделәр. Җыелыш укучылар тарафыннан әзерләнгән концерт белән тәмамланды.

25 апреля учащиеся 6 класса выполнили ВПР по русскому языку. 

26 апреля на базе МБОУ "Уразаевская ООШ" был проведен районный семинар учителей английского языка. Учителя посмотрели открытый урок во втором классе и внеклассное мероприятие. Далее были подведены итоги по конкурсам за 2017-2018 учебный год. Учителя получили дипломы и сертификаты по итогам работы. Из нашей школы на данном мероприятии приняла участие учитель английского языка Гайсина Л.Ф.

24 апреля учащиеся 5 класса выполнили ВПР по истории.