1-9 нчы сыйныфлар арасында "Намуслы яшәргә кирәк" бәйгесенә әзерлек бара. Рәсем ясауга мәхәббәте булган балалар плакатлар ясадылар, өлкән сыйныф укучылары инша яздылар. Укучыларга уңышлар телибез.

9 октябрь көнне ата-аналар комитетлары арасында "Тату сыйныф серләре - 2019" бәйгесенең зона этабы узды. Мәктәбебезнең ата-аналар комитеты эчтәлекле чыгыш ясадылар. Бәйгенең 3 этабын да уңышлы  гына үтеп чыктылар.

9 октябрь көнне Яр Чаллы  шәһәрендә рус теле укытучыларының «Развитие аналитических способностей и метапредметных умений и навыков учащихся в процессе подготовки к ГИА» темасы астында республикакүләм семинары үтте. Мәктәбебезнең рус теле укытучысы Шаехова Р.Р. да бу семинарда катнашты.

9 октябрь көнне 6-9 сыйныфларда  "Бөтендөнья почта көне" уңаеннан почта хезмәтенең нәрсәдән гыйбарәт булуына багышланган класс сәгатьләре үтте. Ничә еллык тарихы булган почта хезмәтенең тарихы һәм бүгенгесе белән таныштылар. Җирлектә урнашкан почта бүлекчәсенә экскурсия кылдылар.

Октябрьнең беренче якшәмбесе "Авыл хуҗалыгы хезмәтчәннәре көне" уңаеннан, 7 октябрь  көнне "Авыл хуҗалыгы һөнәрләре дөньясында" темасына сыйныф сәгатьләре уздырылды. Әлеге класс сәгатенең максаты: укучыларда үзеңә охшаган һөнәр сайлауның, тормыш өчен хезмәтнең, һөнәрнең әһәмияте турында күзаллауларын киңәйтү, бигрәк тә авыл хуҗалыгы һөнәрләренә кызыксыну уяту иде.

Октябрь аеның беренче якшәмбесендә райныбызда көзге ярминкә гөрләп узды.  Уразай төп гомуми белем бирү мәктәбе Ямалы, Чалманарат мәктәпләре белән берлектә  халыкка кәбестә һәм кәбестәдән эшләнгән төрле продукция тәкъдим итте: тозлы, маринадлы кәбестә, кәбестәдән салатлар, камыр ризыклары һ.б.

5 октябрь көнне мәктәбебездә Өлкәннәр һәм Укытучылар көне уңаеннан укучылар тарафыннан бәйрәм концерты оештырылды. Чарага хәзерге кондә лаеклы ялда булган укытучылар, техник хезмәткәрләр дә катнашты. Бәйрәм чәй табыны артында дәвам итте.

1 октябрь - Өлкәннәр көне. Әлеге хөрмәттән 4-9 сыйныф укучылары Уразай, Илчебай авылларында яшәүче өлкән яшьтәге әби-бабайларны бәйрәм белән котлап, шефлыкка чыктылар. Укучылар аларга чәчәк бәйләмнәре, үзләре эшләгән открыткалар бүләк итеп,  хуҗалыкта ярдәм күрсәтеп кайттылар.

Источник: http://mon.tatarstan.ru/rus/index.htm/news/1567229.htm