"Татарча диктант" — татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан оештырылган "Татарча диктант" Бөтендөнья белем бирү акциясендә безнең мәктәп тә актив катнашты. Әлеге күңелле вакыйгада укучылар, мәктәп коллективы, ата-аналар бик теләп үз көчләрен сынап карарга булдылар һәм бик уңышлы гына башкарып чыктылар.

18 октябрь көнне Актанышның үзәгендә урнашкан аерым фәннәрне тирәнтен үзләштерүле икенче санлы  мәктәбендә гамәлләштерелгән төбәкара семинарның чираттагысы башлангыч сыйныф укытучылары өчен оештырылып, аның эшендә район педагоглары белән беррәттән Мөслим, Минзәлә, Сарман районы, Башкортстанның Чакмагыш, Илеш районнары мөгаллимнәре дә катнашты. Әлеге семинарда безнең мәктәптән Шәрипова Алсу Флүр кызы катнашты. Төрле төбәкләрдән килгән 70кә якын укытучы бүген үзләрнең белем “багаж”ларын тулыландырды: ачык дәрес, мастер-класслар карады.

18 нче октябрь көнне укучылар арасында мәктәп ярминкәсе узды. Әлеге ярминкәгә укучылар үзләре эшләгән кул эшләнмәләре, пешкән ризыклар алып килделәр.

Традицион рәвештә уздырыла торган Сөмбелә бәйрәме бу елны да гөрләп узды. Бу чараны 9 нчы сыйныф укучылары бик нык эчтәлекле итеп үткәрделәр. Бәйрәм көз тематикасындагы уеннар, бәйгеләр белән үрелеп барды. Әлеге күңелле чара бәйрәм табыны янында дәвам итте.

16 октябрь - Бөтендөнья азык-төлек көне уңаеннан, башлангыч сыйныф укучылары белән "Без ничек тукланабыз?" темасына сыйныф сәгате уздырылды. Дөрес туклану, файдалы ризыклар турында мәгълүматлар алдылар.

15 нче октябрь көнне гомуми белем бирү учреждениеләренең 9 сыйныф укучыларына һөнәри юнәлеш бирү максатыннан чыгып, район вәкилләре тарафыннан ЗАО "Актаныш агрегат заводына" һәм "Икмәк кабул итү предприятиесенә" экскурция оештырылды. Шулай ук укучыларга  "Авыл хуҗалыгы белгечләре әзерләүче ресурс үзәгендә" мастер класслар тәкъдим ителде, район вәкилләре белән очрашу уздырылды.

Бүген, ягъни 14 октябрь көнне "Көзге кросс - 2019" га нәтиҗә ясалды. Әлеге ярышта 34 укучы катнашты.Җанатарлар йөгерешчеләргә кычкырып көч бирделәр, финишка беренче килгән спортчыларны шатланып каршыладылар. Катнашучыларга урыннар 1-2, 3-4, 6-9 нчы сыйныфлар арасында чыгарылды. Укучыларга грамоталар тапшырылды. 

Октябрьнең икенче якшәмбесе — Юл хуҗалыгы хезмәткәрләре көне. 14 нче октябрь көнне 7 нче сыйныф укучылары белән әлеге тема буенча сөйләшү уздырылды. Маликова А. һәм Гиздатуллина И., алдан әзерләнгән доклад һәм презентация буенча, иптәшләре алдында чыгыш ясадылар, яңа мәгълүмат тәкъдим иттеләр.

"Тату сыйныф серләре -2019" бәйгесендә катнашып Уразай төп гомуми белем бирү мәктәбе катнашучы сертификатына ия булды. Әлеге чарада катнашкан ата-аналарыбызга зур рәхмәтебезне белдерәбез!!!

Елда уздырыла торган "Китапка икенче гомер бүләк ит" акциясендә мәктәбебез укучылары бу елны да бик теләп катнаштылар. Алар үзләренең китапларын иптәшләре   белән алыштылар, мәктәп китапханәсендәге иске китапларны ремонтладылар. Әлеге акция укучыларда КИТАПка карата мәхәббәт, хөрмәт хисләре тәрбияли.