"Укучыларның шәхес һәм иҗади потенциалын үстерү буенча алдынгы эш алымнарын, яңа  укыту технологияләрен куллану " исеме астында чираттагы педсовет үтте.

 Мәктәптә  “Әфган сугышына 35 ел” исеме астында тәрбия сәгате үтте. 1979 елларда игълан ителмичә генә башланып киткән мәгънәсез Әфган сугышы күп кенә гаиләләргә олы хәсрәт китерүе, япь-яшь ир-егетләрнең язмышларын үзгәртүе турында авылыбыз китапханәчесе  Гарипова Гөлнур Солтановна бик тәэсирле итеп укучыларга сөйләде һәм сугышның дәһшәтен, бөтен авырлыгын-газапларын, кайгы-хәсрәтләрен үз җилкәләрендә татыган баһадирларны онытмаска өндәде.

20 декабрьдан Яңа елга әзерлек башланды. Укучылар мәктәп ишегалдында кардан сыннар ясадылар, сыйныфларын матур итеп бизәделәр

17 нче декабрьдә мәктәптә 9 нчы сыйныфта татар теленнән диагностик тест үткәрелде.

 Салман  янгын сүндерү бүлеге командиры Хәлиуллин Р.Р.  укучылар белән  Яңа ел  бәйрәмнәре  алдыннан янгын куркынычсызлы буенча әңгәмә үткәрде.Укучыларга памятка таратылды.

Бүген мәктәптә  "Россиядә код сәгате" акциясе кысасында чара үтте.Мәгълүмати технологияләргә  карата  укучыларга кызыксындыру  максатыннан   информатика укытучысы Хәлиуллина Р.Г. видеофильм  тәкъдим итте.Соңыннан укучылар  төрле уеннар нигезендә үзләренең беренче кодларын төзеделәр.

Бүген мәктәптә Билгесез Солдат көне үтте. Иске Салман авылы  китапханәчесе  Гарипова Гөлнур Солтан кызы укучылар белән тирән эчтәлекле  тәрбияви чара үткәрде.Ул Бөек Ватан сугышында хәбәрсез  югалган Вафин Мәхмүт  Вафа улы турында сөйләп үтте.

Мәктәптә Аналар көне билгеләп үтелде.Укучылар  әниләргә  багышлап  газеталар чыгардылар,рәсем ясадылар һәм концерт   күрсәттеләр.Бәйрәм чәй табыны артында дәвам итте.

Бүген мәктәптә “Зарарлы гадәтләргә альтернатив буларак - спорт” акциясе   планы буенча укучылар баскетбол беренчелегенә ярыштылар.

“Зарарлы гадәтләргә альтернатив буларак спорт” акциясе безнең мәктәптә киң колач алды. Акция кысаларында мәктәп күләмендә бик күп төрле чаралар үткәрелде. Башлангыч сыйныф һәм урта сыйныф  укучылары “Спорт-ул сәламәтлек” темасына рәсемнәр ясадылар, урта  сыйныф укучылары “Спорт-начар гадәтләргә каршы” темасына язылган иншалар конкурсында катнаштылар,тәрбия сәгатьләрендә “Зарарлы гадәтләр безгә юлдаш түгел”, “Саулыкта яшик әле!”, “Сәламәтлекнең дошманы”  һәм башка темаларга әңгәмәләр үткәрелде; медицина хезмәткәре Вафина Ә.Т. белән очрашу  оештырылды. Мәктәп укучыларын спортка җәлеп итү максатында башлангыч сыйныфлар өчен “Сәламәтлек аланы”, урта сыйныфта спорт  бәйрәме үткәрелде.Һәр бала үзе теләгән спорт төрендә көчен сынап карады,көчлелектә,җитезлектә ярышты.