27 нче апрельдә Арчаның 3 нче номерлы башлангыч гомуми белем мәктәбендә туган якны өйрәнү буенча “Милли эзләнүләр” проекты астында үтүче “Туган ягым – Татарстан. Тарих һәм бүгенгесе” икенче районкүләм фәнни-гамәли конференция  үтте. Бу конференциядә безнең мәктәп укучылары да актив катнашты. 3нче класс укучысы Әсәтова И.- 1 урынга, 4 нче  класс укучысы Заһидуллина Д.- 3урынга лаек булды. Аларны чын күңелдән котлыйбыз һәм киләчәктә дә уңышлар телибез.

Җыр һәм шигырь Г.Тукай иҗатында бер-берсе белән шулкадәр табигый керешкән, аның күп кенә әсәрләре үзләреннән үзләре көй сорап торалар. Шуңа күрә халкыбыз, композиторларыбыз көй язганны да көтеп тормыйча, үз моңнарын Тукай сүзләре белән бергә кушып җырлый .

 Бүген безнең укучыларыбыз да  мәктәп күләмендә уздырылган “Тукай моңнары”  дип исемләнгән бәйгедә катнаштылар. Г.Тукай сүзләренә иҗат ителгән җырларны башкардылар.

span>

26 апрель- сөекле шагыйребез  Г. Тукайның туган көне. Бу көн республикада  туган тел көне  буларак билгеләп үтелә. Мәктәбебез дә бу көннәрдә Тукай рухы белән яши. 26 нчы апрельдә Туган тел айлыгы кысаларында мәктәп күләмендә  «Тукай яши күңелләрдә» дип исемләнгән чара үтте. Һәр класс бәйрәмгә милли киемнәрдән килде.Укучылар шагыйрьнең шигырьләрен сөйләделәр, җырларын башкардылар. Бүген балаларны  һәр  дәрескә гадәти кыңгырау тавышы урынына  « Туган тел» җыры чакырды.