20 гыйнвар көнне Акчишмә башлангыч мәктәбендә II чирек нәтиҗәләре буенча ата-аналар җыелышы  үтте. “Шәхес  тәрбияләүдә гаилә һәм мәктәп бердәмлеге” темасына Сабирҗанова Х.Ф. чыгыш ясады. Әти-әниләр тест, анкета сорауларына җавап бирделәр. Җыелыш ахырында класс җитәкчеләре әти-әниләрне борчыган сорауларга җавап бирделәр.

Кысна башлангыч мәктәбендә 2 нче чирек нәтиҗәләре буенча "Гаиләдә тәрбияле, белемле бала тәрбияләү серләре" темасына ата-аналар җыелышы узды. Әти-әниләр белән укуга җаваплы караш һәм тәрбия эшләре буенча фикер алышынды. 

Бала чагында алынган тәрбияне соңыннан бөтен дөнья халкы да үзгәртә алмас. 
                                                                                                                      Р. Фәхретдин.

20 января  в 3 классе был  проведён  открытый урок по литературному чтению на тему: «Определение главной мысли произведения.  Эзоп «Отец и сыновья», «Быки и лев».  Урок провела  учительница  начальных  классов Закирова Г.Ш.   На уроке  были использованы  разные  виды работ. Учащиеся познакомились с автобиографией  Эзопа и с его баснями, слушали и проанализировали несколько басен Эзопа из аудиозаписи. Урок прошёл очень оживлённо и интересно.

19 гыйнвар көнне Акчишмә башлангыч мәктәбендә “Туган телем язмышы” темасына тәрбия сәгате үткәрелде.  Укучылар викторинадагы сорауларга  җавап бирделәр, күренекле татар шагыйрьләрен, туган тел турындагы мәкальләрне искә төшерделәр.  Тәрбия сәгате “Туган тел” җыры белән тәмамланды. 

Кысна башлангыч мәктәбендә "Туган телем язмышы" темасына тәрбия сәгате үткәрелде. 

Мин бәхетле шушы туган җирдә,
Һәр ел саен килгән язым бар.
Гомер һәм тел бүләк иткән әнкәм,
Җаным тулы сиңа назым бар.
                                 А.Шагаева 

16 январь көнне 5 класс укучыларының ата-аналар җыелышы булды. Җыелышның темасы “5 класс укучыларының югары классларга адаптациясе” булды. Беренче көн тәртибе буенча класс җитәкчесе Х.С.Рахматуллина математикадан “Гади вакланмалар” темасына ачык дәрес күрсәтте. Икенче көн тәртибе буенча “5 класс укучыларының югары классларга адаптациясе” темасына доклад тыңланды, 2 чирек нәтиҗәләре буенча сөйләшү булды.

16 нчы январь көнне 8 нче класста математикадан “Квадрат тигезләмәләрне чишү алымнары” дигән темага әти-әниләргә ачык дәрес күрсәтелде. Дәрестә Сингапур струкутуралары, индивидуаль биремнәр кулланылды. Тема буенча үткәрелгән “Могҗизалар кыры” уенында һәр укучы да күбрәк һәм дөрес итеп тигезләмәләр чишәргә тырышты. Соңыннан әти-әниләр икенче чирек нәтиҗәләре һәм алдагы чиреккә куелган бурычлар белән таныштылар.

16 нчы  январь көнне  7 нче сыйныф укучыларының  әти- әниләр җыелышы булып узды. Җыелышның  темасы : “Балалар һәм яшүсмерләр арасында начар  гадәтләрне кисәтү” . Җыелышта гаилә  тәрбиясе турында  сөйләшү  алып  барылды. Ата – аналар белән тәрбия  эшләре буенча  фикер алышу оештырылды.

16 нчы январьда башлангыч классларда ата-аналар җыелышы булды. 1 нче класста “Гаиләдә укучы бала”, 2 нче класста “Тәрбия – иң җаваплы өлкә”, 3 нче класста “Укучыларга хезмәт тәрбиясе бирү”, 4 нче класста “Балага белем бирүдә ата-ана ярдәме” темаларына чыгышлар һәм түгәрәк өстәл артында сөйләшү булды