Туган тел һәм халыклар бердәмлеге елы уңаеннан башлангыч сыйныф укучылары авыл мәдәният йортында авыл китапханәчесе Әүхадиева Р.Р. оештырган "Әбиемнең сандыгы" исемле тәрбияви чарада катнаштылар.

Бүген мәктәптә 8 Март бәйрәме уңаеннан "Ягез әле, кызлар!" бәйгесе уздырылды. Бәйге укучылар арасында үзара дуслык хисләре тәрбияләү, хатын - кызларны хөрмәтләү,алган белем һәм күнекмәләрне тормышта куллана белергә өйрәтү,кешеләр арасында үз-үзеңне культуралы тоту күнекмәләрен үстерү максатын алга куеп оештырылды.

    Сәнгати-эстетик яктан балаларның һәм яшүсмерләрнең иҗатын үстерү максатыннан бүген Арча  шәһәрендә  “Без бергә” республикакүләм яшь талантлар фестиваль – конкурсының муниципаль этабы булып узды. Гатауллина А. (5 кл.), Рамазанова А. (9 кл.) әлеге конкурста катнаштылар.

     Татарстан Республикасы Арча  муниципаль районы мәгариф идарәсе   планы нигезендә һәм «2014-2023 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын, концепциясен тормышка ашыру максатыннан,   Туган телләр һәм Халыклар бердәмлеге елы уңаеннан, 2021 нче елның 03 нче мартында Арча муниципаль  районы муниципаль бюджет гомуми белем учреждениесе   "Түбән Мәтәскә урта гомуми белем  мәктәбе" базасында  “Без бит –Арча яклары” җыентыгы буенча уздырылган  “Хәтирә дәфтәре” дип исемләнгән районкүләм чара уздырылды. Мәктәбебезнең 5 нче сыйныф укучысы Гатауллина А. әлеге чарада катнашты.

Хәрби патриотик айлыгы кысыларында бүген кул көрәше уздырылды.

Ватанны  саклаучылар  көне  уңаеннан  башлангыч  класс  укучылары  арасында  "Ягез  әле,  малайлар""  бәйгесе  уздырылды.

  Халкыбызның гореф-гадәтләрен, тарихын, мәдәниятын мең еллар буенча саклап килүче  байлык ул - тел. Менә нинди көчкә ия безнең  туган телебез! Телсез – халык үзе дә була алмый, халыксыз – тел дә  юк. Шуңа күрә, телгә мәхәббәт ул- бер үк вакытта туган халкың, туган илеңә дә мәхәббәт дигән сүз. 21 февральдә барлык  җәмәгатьчелек  Халыкара   туган тел көнен билгеләп үтә. Ел саен бу көнне без  мәктәбебездә укучыларыбыз өчен  кызыклы һәм файдалы чаралар оештырабыз.  Быел да, 19 февраль көнне укучылар белән “Моңлы тел ул, нурлы тел ул - туган тел!”  исемендәге квиз викторина уздырдык. Укучылар ике командага бүленеп  ярыштылар. Викторина сораулары уеннар белән үрелеп барды. Интеллектуаль  викторинада дуслык җиңде. 

    В районном творческом конкурсе "О любви к родной природе на родном языке" в номинации "Стихотворение" наши ученики Латыпов Р. 6 кл занял I место, Мухаметханова А. 7 кл заняла II место. Поздравляем, молодцы!