Республиканың төп законы – Татарстан Конституциясе. 6 ноябрь – Татарстан Конституциясе көне билгеләп үтелә. Конституциядә татар һәм рус телләре дәүләт телләре дип язылган. Бүген Татарстан Республикасы Конституциясенә 28 ел. 126 маддәдән торган төп законыбыз 1992 елның 6 ноябрендә кабул ителде.

   4 ноябрь - Халыкара бердәмлеге көне. Шушы бәйрәм уңаеннан Казанбаш мәдәният йорты хезмәткәре Шакирҗанова Л.Х. һәм авыл китапханәчесе Әүхадиева Р.Р. укучыларга "Без көчле, бердәм халык" исемле могҗизалар кыры уены тәкъдим итеп, аларны әлеге бәйрәм, аңа бәйле вакыйгалар, тарих буенча белемнәрен барлап карадылар.

Бүген 2 нче класс укучыларын "Карлыгач" балалар оешмасы сафларына кабул итү тантанасы булды. Балалар "Карлыгач" оешмасы турындагы белемнәрен күрсәттеләр. Алар башкарган җырлар, шигырьләр бәйрәмне тагын да җанландырып җибәрде. "Карлыгач" значогы тагылганнан соң, укучыларны бәйрәм белән котладылар һәм изге теләкләр теләделәр.

Бүген башлангыч класс укучылары "Сөмбелә бәйрәме" уздырдылар. Бәйрәм җыр-бию белән үрелеп барды. Укучылар уеннарда бик теләп катнаштылар.

Бүген мәктәптә узган фәннәр олимпиадасында җиңгән укучыларга грамоталар тапшырылды. 

15-18 октябрь көннәрендә Буада кызлар волейбол командалары ярышы узды. Безнең мәктәпнең кызлары Арча районы җыелма командасында катнашып 3 нче урынны яулап кайттылар. Әфәрин, кызлар! Яңадан - яңа уңышлар теләп калабыз!

Бүген Арча шәһәрендә олимпиадаларның республика этабында призер һәм җиңүче булган укучыларны бүләкләделәр. Безнең мәктәпнең 9 класс укучысы Сабирҗанов А. шушы тантанада катнашты. Котлыйбыз!

Бүген мәктәптә узган линейкада "Көзге кросс" ярышында җиңүче укучыларны бүләкләделәр.