Идет систематическая подготовка учащихся к олимпиаде по английскому языку.

4 нче гыйнвар көнне мәктәпнең кечкенәләр төркеме волейбол командасы Арча спорт комплексында уздырылган ярышта район командалары арасында 1 урынга лаек булды. Уңышыгыз белән котлыйбыз, тагын шулай яңа үрләр теләп калабыз!

Районыбызда Мәгариф идарәсе профсоюз членнары өчен Лесхоз мәктәбендә уздырылган шахмат ярышында математика укытучысы Агзамов А. З. 2 урын җиңүчесе булды. Котлыйбыз, яңа уңышлар, яңа үрләр теләп калабыз!

Бу көнне укучыларыбыз дулкынланып көтте. Матур чыгышлар, җырлар, биюләр өйрәнделәр. Бәйрәмне мәктәп җитәкчесе Ришат Ренат улы ачып җибәрде. Уку алдынгыларына һәм актив, конкурсларда катнашкан укучыларның әти-әниләренә Рәхмәт хатлары тапшырды. Балалар рәхәтләнеп ял иттеләр.

Укучыларыбыз Казан шәһәрендә инглиз теленнән олимпиадада катнашып җиңүче грамоталары һәм катнашучы сертификаты белән бүләкләнделәр. Алар 4 класс укучылары Зиннатуллина А. һәм Исмагилова С., һәм 6 класс укучысы Хисматуллина Г. (укытучы Г.М. Загриева). Киләчәктә дә зур уңышларга ирешүләрен теләп калабыз!

Бүген мәктәптә макулатура җыю буенча һәм "Мәрхәмәтле капкач" акциясенә нәтиҗәләр ясалды. 4 класс укучысы Лотфуллин И. һәм 5 класс укучысы Латыпов Р. гаиләләренә зур рәхмәтебезне белдерәбез, алар иң күп җыеп тапшыручыларыбыз!

Мәктәптә бүген 8-9 класс укучылары белән Арча район судыннан  килгән вәкил белән очрашу булды. Укучыларыбыз үзләренә суд турында файдалы һәм кызыклы белемнәр белән таныштылар.

22 декабрь көнне Арча шәһәренең "Арча" спорт комлексында спортта уңышларга ирешкән укучыларның Арча шәһәре башлыгы белән очрашу оештырылды. Безнең мәктәпнең 8 класс укучысы Камалиев Ф., 6 класс укучылары Марданова З., Рахимова Р., 5 класс укучысы Вагапова С. истәлекле бүләк һәм грамота белән бүләкләнделәр. Уңышларыгыз белән котлыйбыз, молодцы!