8 нче сыйныфта белем алучы варислар тормышында истә калырлык вакыйга булды: алар бердәм төстә өлкән сыйныф укучылары сафына кабул ителделәр. Укучылар ике төркемгә бүленеп, үзара көч сынаштылар, өлгерлекләрен, булганлыкларын күрсәттеләр. Балалар иҗади конкурсларда да сынатмадылар. Киләчәк мәктәбен һәм укучысын тасвирлаганда югалып калмадылар, фантазияләре гаҗәп бай икәнлекләрен исбатладылар.

Мәктәп тормышының яңа баскычына аяк басулары белән котлыйбыз, укуларында уңышлар телибез. Укучылардан мәктәп тормышын җанландыруга ярдәм итә торган яңа идеяләр, фикер-тәкъдимнәр көтеп калабыз!

29 января 2015 года а России отмечается 155-летие со дня рождения великого русского писателя Антона Павловича Чехова. В МБОУ «Нижнеатынская ООШ» в рамках Года литературы в России в 2015 году, в честь юбилея знаменитого писателя была проведена «Юбилейная викторина», учащимся показали видеофильм о жизни и творчестве писателя, была организована выставка. Победителем викторины стал ученик 8 класса Нурмиев Инсаф, который показал хорошие знания о жизни и творчестве писателя.

28 нче январь көнне “Ут – дус та, дошман да” темасы буенча башлангыч класс укучылары катнашында кинолекторий үткәрелде. Давлиева А.Р. укучыларны янгын булмасын өчен үтәлергә тиешле кагыйдәләр белән таныштырды һәм янгын килеп чыккан очракта үз-үзеңне дөрес тоту турында сөйләде. Укытучының сөйләме видеофильм белән бергә алып барылды.

Очрашулар кирәк, очрашулар... Бер очрашу үзе бер гомер. 28 нче гыйнвар көнне Арчаның “Казан арты этнографик” музеенда шагыйрь – Рәис Сафин белән очрашу булды. Анда шагыйрьнең китаплары да күргәзмә итеп куелган , сатып та алып була иде. Иң беренче булып үзләренең чыгышлары белән кичәне үзәк китапханә каршында эшләп килүче “Каурый каләм” иҗат берләшмәсенә йөрүчеләр башлап җибәрде. Алар барысы да Рәис Сафинның шигырьләрен укыдылар. Аннары шагыйрь турында радиодан яздырылган язманы тыңлаттылар.

Рәис Сафинга 6 нчы гыйнвар көнне 80 яшь тулган, аны юбилее белән котладылар. Һәм ниһаятъ, Рәис Сафинның үзен чакырдылар. Ул безне үзенең тормыш юлы , китаплары белән таныштырды. Залга аның авылдашлары - татар теле укытучысы, китапханәче, Субаш Аты авылының Ак әбие һәм авыл советы җитәкчесе чыктылар, аны юбилее белән котладылар, бүләкләр һәм җыр бүләк иттеләр. Аннары аның классташы - Валиева Сәрия апа, хезмәт ветераны - Сафин Гаяз шагыйрь белән яшьлек хәтирәләрен искә төшерделәр. Музей директоры урынбасары - Гарипов Шәфигулла, Мәдәният идарәсе җитәкчесе - Мөхетдинов Рамил дә шагыйрьне котладылар, матур теләкләрен җиткерделәр.

Аннары Арча Укучылар Сараендагы “Тукай якташлары” түгәрәгенә йөрүче укучылар үзләренең иҗат эшләре белән таныштырып киттеләр. Музей директоры - Камалов Ришат абый да юбилярны котлады. Ә ахырдан инде Рәис Сафин үзе балаларга, яшьләргә булган теләкләрен җиткерде, уңышлар теләде.

Куркынычсызлык кагыйдәләрен үтәмәү, игътибарсызлык һәм җавапсызлык күп кенә кешеләрне бәхетсезлеккә һәм фаҗигагә китерә. Менә шундый бәлаләрнең берсе − янгын.28 нче гыйнвар көнне “Ут дус та, дошман да” исеме астында барлык классларда да бердәм тәрбияви сәгать үткәрелде. Балаларга Ут турында кинофильм күрсәтелде. Ул укучыларга янгын куркынычсызлыгы кагыйдәләре, утның җылылык һәм яктылык чыганагы гына түгел, саксыз эш иткән очракта күп бәла-казаларга сәбәпче булуы турында бик файдалы мәгълүмат бирде. Анда янгын булган очракта үз - үзеңне ничек тотарга икәнлекне искә төшерделәр.

5 нче сыйныф  укучылары, игелеклелек атнасы кысаларында, чишмә тирәсен, Урта Аты мәчете янын кардан чистарттылар.Вафина  Әлфинур апага  йорт эшләрендә ярдәм иттеләр.Эшләп бетергәч ,катокка барып  бергәләп уйнадылар.Кышкы көн кичкә авышкач кына,өйләргә таралдылар

«Илнең,җирнең, тыыч көннең кадерен белеп,җырлап яшик!” девизы астында авыл җирлекләре кысаларындагы иҗат концерт программасында катнаштык. Укытучылар хор составында чыгыш ясадылар.Алар “Кайту” (М.Галиев шигыре,Л.Батыркаева көе) дип исемләгән җыр башкардылар.

22 нче гыйнвар көнне без: Маликова Гүзәл( 7 класс), Зиннәтуллина Ландыш (8 класс), Мортазин Рифат(9 класс), Фәйзиев Искәндәр(9 класс), Арча “Нур” телерадиостудиясенә йөрүче укучылар, Казанга “ТНВ” телерадиокомпаниясенә экскурсиягә бардык. Экскурсиягә 4 укытучы җитәкчелегендә 42 укучы бардык. Безне анда 2 экскурсовод апа каршы алды һәм без 2 командага бүленеп ТНВ белән таныштык. Без килгән вакытта кайбер бүлмәләрдә съёмкалар бара иде, шул очраклы без аларына керә алмадык. Ә съёмка бармаган бүлмәләргә кереп, танышып чыктык. Безгә экскурсовод апабыз һәр бүлмә турында җентекләп аңлата барды. Тапшыруларның ничек эшләнүен, ничек эфирга чыгуын сөйләде, һәм без моның бик катлаулы эш икәнен аңладык. Шулай итеп вакытның ничек үткәнен дә сизми калганбыз. Экскурсия тәмамланганнан соң, без экскурсовод апаларга үзебезнең сорауларыбызны бирдек, алар җавап бирде. Кыскасы, безгә ТНВ да бик ошады, ә кайберләребез: ”Бәлки, киләчәктә ТНВ га эшкә дә керербез әле”- диделәр.

2015 нче елда Бөек Җиңүнең 70 еллыгын билгеләп үтәчәкбез. Әлеге уңайдан укучылар белән бу темага багышланган класс сәгатьләре үткәрелә, илебезнең тынычлыгы өчен сугыш кырларында һәлак булучыларны онытырга ярамаганлыгы ассызыклана. Шундый эшчәнлекне 15 нче гыйнвар көнне 8 нче класс укучылары мәдәният йорты каршындагы Бөек Ватан сугышында һәлак булучылар истәлегенә куелган һәйкәлне чистартып, карларын көрәп, тагын бер кат расладылар.

14 нче гыйнварда мәктәптә ата-аналар җыелышы үтте. Төп доклад белән укытучы Шакиров Р.Н. чыкты. Чыгышының темасы-“Киендерү- иркәләүме?”. Рәдис Наил улы укучыларның бүгенге көндә мәктәпкә киеп килгән киемнәренең тиешле таләпләргә туры килмәвен ассызыклады. Укучы мәктәп формасыннан йөрергә тиеш. Форма укучыны җыйнакландыра, тырышып белем алуга этәрә, сәламәтлеккә дә йогынты ясый.

Мәктәп директоры Хәбибуллин И.Х. уку елының беренче яртысында мәктәптә укучыларга белем алу өчен җитәрлек шартлар тудырылуы, балаларның барысы да кайнар аш белән тәэмин ителүе, гомуми өлгереш, белем сыйфаты нәтиҗәләре турында сөйләде. Соңыннан әти-әниләр балалары укыган кабинетларга таралдылар. Класс җитәкчеләре һәр баланың тәртибе, мәктәп тормышында катнашуы, укуга карашы турында сөйләде.

Чыгарылыш класс укучыларының әти-әниләре балаларның имтиханга әзерлек эшләренең торышы, яңалыклар-үзгәрешләр, имтиханнарның якынча даталары белән таныштылар. Алар алдында имтиханнарга әзерләүче укытучылар һәм директорның уку-укыту эшләре буенча урынбасары Хасанова Э.И. чыгыш ясадылар.