Бер ел дәвамында мәктәп укучылары өчен эшләгән «ИХЛАС» онлайн мультимедиа мәктәбендә чыгарылыш кичәсе уздырдылар. Чыгарылыш

кичәсе 8 декабрь көнне «Адымнар» мәктәбендә (Казан шәһәре, Бондаренко ур, 32 йорт) булды.Әлеге күләмле чарада мәктәбебезнең 6 нчы сыйныф

укучылары Кәримова И. Һәм Кәримова Э. катнаштылар:күмәкләп башкарган иҗади эшләрен дә ала бардылар. «Балачак әдипләре» дип исемләнгән

проектта 6 нчы сыйныфтагы барлык укучылар да ел дәвамында даими катнаша килделәр.Нәтиҗәдә класска аталган дипломга,кыйммәтле истәлек

бүләгенә ия булдылар.

Кичәнең беренче өлешендә күренекле балалар язучылары белән аралашу,осталык дәресе алу мөмкинлеге булды.Ә аннары икенче өлешендә-

“Адымнар” мәктәбенең актлар залында бүләкләү тантанасында катнаштылар: “СалаваТIK» төркеменең матур җырларын тыңлап  хозурландылар, кушылып биеделәр.

Әлеге чара да,Яңа елга әзерләнгән купшы Казан каласы да бик ошады.

  Мәктәбебез укучылары "Милли бизәлештәге китапчык"районкүләм иҗади бәйгенең татар халык әкиятләренә нигезләнгән "Җәелмә милли китапчык" юнәлешендә катнашып уңышларга ирештеләр. Үз яшьтәшләре арасында Ихсанова - 1 урын, Абдуллин - 2 урынга лаек булды. Укучыларны уңышлары белән котлыйбыз, киләчәктә  дә иҗади уңышлар телибез !

    5 нче декабрьдә билгеләп үтелә торган Россиядә волонтер көненә багышланган “Без бергә” темасына дәрестән тыш эшчәнлек кысаларында тематик әңгәмә узды. Бу дәреснең максаты – укучыларны волонтерлар эшчәнлеге белән таныштыру, ирекле эшчәнлек тәҗрибәсе туплауга ярдәм итү, игелек, ярдәмчеллек, шәфкатьлелек кебек сыйфатлар тәрбияләү.дәрес барышында укучылар “Беренчеләр, Волонтер көне”видеоролигын карадылар, “Игелек чәчәге” биремен үтәделәр. Россия волонтерлары гимнын тыңладылар.

   3 декабрь – “Билгесез солдат көне”. Шул максаттан классларда тәрбия сәгатьләре үткәрелде. Укучылар презентация буенча бу көн турында тарихи мәгълүматлар белән таныштылар. Илебез тарихының иң дәһшәтле саналган Бөек Ватан сугышында миллионлаган кешенең гомере өзелде. Сугыш кырларында билгесез югалганнар саны меңәрләгән.

    1 декабрь - Бөтендөнья СПИДка каршы көрәш көне. Бу көн дөнья җәмәгатьчелегенең һәм гади кешеләрнең игътибарын СПИД проблемасына, кеше тормышының кыйммәтенә җәлеп итү өчен барлыкка килде. Бу коточкыч авырудан үлгәннәрне искә төшерү, киләчәк турында уйлану. Һичшиксез, бу бөтен кешелекнең һичшиксез дошманы. Шуңа күрә без, бүген кешелеккә кушылабыз, бу нинди проблема икәнен искә төшерәбез. Бүген барлык сыйныфларда да сыйныф сәгатьләре узды.

    30 нчы ноябрь көнне мәктәбебезнең бер төркем укучылары “Мин –Арча баласы”дип  исемләнгән медиафорумда катнашып кайттылар.Әлеге бәйгедә укучылар үзебезнең төбәгебез  тарихы турында мәгъләматлар туплап,видеоролик эшләделәр.  Эш нәтиҗәсе буенча безнең мәктәп командасы- җиңүчеләр рәтендә.Котлыйбыз!!!

30 нчы ноябрь – Россия Федерациясе Дәүләт гербы көне.
Бу көнне мәктәптә Россия Федерациясе Дәүләт гербы көненә багышланган чаралар булды. 5-8 нче класс укучылары өчен “Россия гербын эзләүдә” дигән фотоквест үткәрелде.  Укучылар Россия гербы тарихы, Россия Федерациясе дәүләт символлары турында сөйләштеләр.

     1991 нче елда бу көнне Татарстан Республикасы Югары Советы республиканың дәүләт символларының берсе булган заманча флагны раслады. Флаг яшел, ак һәм кызыл төсләрдән тора. Флагның яшел төсе яз һәм яңарыш билгесе булып тора. Ак төс чисталыкны, ә кызыл – җитлеккәнлек, энергия, көч һәм тормыш билгесе. Рәсми рәвештә бу көн республикада билгеләп үтелми, әмма Татарстан өчен дә дөньяның барлык татарлары өчен дә ул көн истәлекле тарихи мизгел. Флагның авторы – Татарстан Республикасының халык рәссамы, Г.Тукай исемендәге Дәүләт премиясе лауреаты Тавил Хаҗиәхмәтов.

6 нчы сыйныф укучылары технология дәресендә “Янгын сусаклагычы” тирәсен кардан чистарттылар.

       Мөһим сөйләшүнең төп темасы – “Туган ил кайдан башлана?”  Максат: Укучыларда Россиянең мәдәниятенә һәм тарихына, анда яшәүче кешеләргә карата күзаллаулар формалаштыру. Сыйныф сәгатьләре җылы шартларда үз иленә һәм кечкенә Ватанына карата мәхәббәт һәм хөрмәт турында белемле әңгәмәләр формасында узды. Укучылар бүгенге көндә кайсы төбәкләрнең Россия Федерациясе составына керүен искә төшерделәр, «Россия» күргәзмә-форумы тәкъдим ителде . "Россия казанышлары", "Россия төбәкләре", "Без ясаган", "Атом", "Природоград" галереялары турында видеороликлар күрсәтелде.

Дәрес нәтиҗәсендә укучыларга интерактив танып белү уены уйнарга тәкъдим ителде. Укучылар уенда актив катнаштылар.