Бүген мәктәптә ата-аналар җыелышы үтте. Укыту эшләре буенча директор урынбасары Галлимзянова Л.Б. 1 нче чирек нәтиҗәләре белән, фәннәр буенча районда үткәрелүче олимпиадалар графигы белән таныштырды. Директор мәктәп тормышындагы яңалыклар, алда торган планнар  турында җиткерде. Сөйләшүләр классларда дәвам итте. 

Бүген мәктәптә педагогик киңәшмә үтте. 1 нче чирек нәтиҗәләре белән таныштырылды, 2 нче чиреккә бурычлар куелды. ""Укучыларга интернет челтәреннән янаган ккуркыныч, аңа каршы профилактик чаралар" темасына чыгыш тыңланды. 

Район күләмендә үткәрелгән фән олимпиадаларында 3 нче класс укучысы Мостафин А. рус теленнән  призер, математикадан җиңүче булды. Укытучысы Гараева Г.И. Котлыйбыз, алда да уңышлар телибез!

Көзге уңышлар җыелып, эшләр беткәч, мәктәбебездә традиция буенча Көзге бәйрәмнәре уза. Педагог-оештыручы Җамалиева А.М., башлангыч класс укытучылары җитәкчелегендә узган Уңыш бәйрәмендә 1-4 нче һәм 6нчы класс укучылары катнашты. Мәктәп яны бакча җитәкчесе еллык эшкә, алынган уңышларга нәтиҗә ясады. Бәйрәм кичәсе җырлар, биюләр белән үрелеп барды. 

Тарих укытучысы Сабирзянова Г.Р. 8-9 нчы класс укучылары белән парламент дәресе үткәрде. Укучылар парламент тарихы белән таныштылар, сорауларга җавап бирделәр. 

Мәктәбебезнең волонтерлар отряды авылыбызның тарихи истәлекле урыннарында булдылар. 

1-3 классларда "Мин китаплар яратам" темасы астында класс сәгате уздырылды. Класс сәгатенә авыл китапханәчесе Надия Ризвановна килде. Ул укучыларны китапханәдәге яңа китаплар белән таныштырды. Яңа китаплардагы кайбер кызыклы әсәрләрне укыды. Балалар китаплар белән кызыксындылар, укыр өчен китапларны яздырып өйләренә дә алдылар.

15 октябрь -Татар халкы өчен Хәтер көне. Шул уңайдан тарих укытучысы Сабирҗанова Г.Р. әлеге датаның тарихи әһәмияте турында сөйләде. Тарихи шәхесләр турында белешмә бирелде. 

10 октябрь көнне 2,3 нче сыйныф укучылары көзге табигатькә экскурсиягә чыктылар. Табигатьтәге үзгәрешләр белән таныштылар.

Мәктәбебез укучылары математикадан олимпиадада бик актив катнашалар. Аларга уңышлар телибез.