29 нчы сентябрь көнне 2-4 класс укучылары "Изге сүз- изге эш" акциясе кысаларында әби-бабалары өчен үз куллары белән бүләкләр ясадылар. Соңыннан аларны бәйрәм белән котлап әби-бабаларына бүләк иттеләр.

26 нчы сентябрь көнне "Мәрхәмәтлелек атнасы" кысаларында 2-4 класс укучылары өчен "Без төрле, ләкин без бергә" темасы астында класс сәгате үткәрелде. Укучылар шушы темага презентация карады,төрле төстәге  пластилиннан  кеше сыны әвәләп алардан композиция ясадылар

Мәктәбебездә "Энергия добра" акциясе узды. Сыйныф җитәкчеләре укучыларга "Энергиягә сакчыл караш!" темасына әңгәмәләр үткәрделәр. 5-7 нче сыйныфлар катнашында викторина үткәрделәр. 9 нчы сыйныф укучылары балалар бакчасында тәрбияләнүчеләргә шул темага рәсемнәр буятып, уеннар үткәрделәр. Өлкәннәр, өйдәгеләр белән дә энергияне саклау турында сөйләшүләр булды. Акциядә укучылар актив катнашты.

9 нчы сыйныф укучылары Габдрахманова Н.Ш. җитәкчелегендә "Юлда сак бул, һәрвакыт кагыйдәләрне үтә!" темасына коллаж ясадылар.  Балалап бакчасында тәрбияләнүчеләр белән юлда йөрү каыйдәләрен искә төшерделәр, шигырьләр сөйләделәр, уеннар уйнаттылар. Нәниләр шат һәм канәгать калдылар.

Мәктәбебез укучылары Гайфуллина Д., Закирова Г., Кәримова А.  педагог-организатор А. М. Җамалиева җитәкчелегендә Республиканың Яшь гражданнары форумында катнашты. Укучылар өч юнәлешкә бүленеп үзләрен борчыган сорауларын уртаклаштылар, иң креатив фикерләр район администрациясенә җиткерелде. Укучыларның сорауларына Л. М. Осина җавап бирде. Әлеге очрашу бик эшлекле һәм истә калырдай булды.

Мәктәбебез китапханәсендә авыл китапханәчесе Йосыпова Надия, мәктәп китапханәчесе Әхмәдуллина Фирүзә һәм башлангыч сыйныфлар укытучысы Фазылҗанова Гөлфия катнашында башлангыч сыйныф укучыларына район мәгариф бүлегеннән кайтартылган "Укучының мәдәни көндәлеген" тапшыру булды.Китапханәчеләребез мәдәни көндәлекнең файдалы якларын , анда язылган бик күп мәгълүматларның дәрес вакытында да кулланып булганлыгы турында ассызыклап әйтеп киттеләр. Укучыларга бу көндәлекне һәрвакыт үзләре белән йөртергә истәлекле урыннарга:музейларга, кино-театрларга, китапханәләргә һәм башка шундый җирләргә барганда әлеге көндәлекне алып барып, җитәкче абый-апаларга билгеләтеп имзалар куйдырырга кирәклеге,фотолар туплап көндәлекне һәрдаим тутырып барырга кирәклеге әйтелде. Уку елы ахырында иң күп җирләрдә булган укучыларны табып, җиңүчеләрне билгеләп китәчәклеге искәртелде. Бу көнне исләрендә калдырсыннар өчен укучыларга кечкенә генә истәлек бүләге дә тапшырылды.

"Экстремизмга - Юк дибез!" айлыгы кысаларында классларда тәрбия сәгатьләре үтте. 

!3 нче сентябрь көнне мәктәбебездә ата-аналар җыелышы үтте. Участковый балигъ булмаганнар арасында хокук бозуларны булдырмау өчен профилактика чараларын системалы алып барырга кирәклеген җиткерде,яңалыклар белән таныштырды. Җирлек фельдшеры грипп, аннан саклану чаралары, ваксинация ясау тәртипләре турында сөйләде.