Технология  атналыгы  кысаларында  6, 8  класс  укучылары  "Агачны  яфрак . кешене хезмәт  бизи"  уен- бәйгесендә  көч сынаштылар.  Бәйге  бик  күңелле  һәм  файдалы    булды.  Беренче  урынга  8  класс укучылары  лаек  булдылар. Бәйгене  оештырган  технология  фәне укытучылары Сабиров  Мөнир  Исмәгыйль  улына, Вахитова  Гүзәл  Мансур кызына  иҗади  уңышлар  телибез.

14 нче апрель көнне  Габдулла Тукайның 131 еллык юбилее уңаеннан  Яңа Кырлай урта мәктәбендә  VI Республикакүләм Габдулла Тукай укулары үткәрелде. Укуларында  укучылар  5 төрле, укытучылар 3 төрле номинациядә үзләренең хезмәтләрен якладылар. Мәктәбебезнең         9 нчы сыйныф укучысы Нәҗметдинова Камилә (җитәкчесе Габдрахманова Г.В.)“Табигать- тиңсез хәзинә”, 11 нче сыйныф укучысы Сафиуллина Алисә (җитәкчесе Шагисламова Г.Р.) “Якташ әдибем табигатьне саклау турында яза” номенациясендә чыгыш ясап,сертификат һәм истәлекле бүләккә ия булдылар.Татар теле һәм әдәбияты укытучысы Габрахманова Г.В. укытучылар өчен үткәрелгән “Укыту-тәрбия процессында туган як тарихын өйрәнү”номенациясендә катнашып II урын яулады, диплом һәм истәлекле бүләккә лаек булды. 

Бүген  барлык  укучылар,  технология  атналыгы  кысаларында, кул  эшләре  күргәзмәсендә  катнаштылар. Нәтиҗәсе  атналык ахырында чыгарылачак.

Бүген 9  класс укучылары мәктәпкүләм  "Язгы ярминкә"  үткәрделәр.Ярминкәдә  күптөрле тәм -  томнар сатылды. Укучыларга ярминкә бик ошады.

Бүген  космонавтика  көне уңаеннан  5,6,7.  классларда  отряд  сборлары  үткәрелде.

Бүген  атналыкның икенче  көн  тәртибе  буенча  укучыларыбыз  һөнәрләргә  багышланган газеталар, брошюралар  чыгардылар, рәсемнәр  ясадылар.

Башлангыч класс укучылары  арасында  "Космонавтлар көне"нә  багышланган рәсемнәр конкурсы  үткәрелде.

10 нчы  апрельдән   15 нче апрельгә кадәр мәктәбебездә "Технология  атналыгы"  старт  алды.  Линейкада  укучылар  атналык  план  белән  таныштылар. Бүген ребуслар, кроссвордлар, табышмаклар  чишеп  почтага  салдылар. Укучыларыбызга уңышлар!!!

Бүген укытучыларыбыз, укучыларыбыз  дәресләрдән  соң   мәктәп  тирәсен  җыештырырга, карлар таратырга чыктылар.

Бүген  башлангыч класс укучылары "Кошлар  көне"н билгеләп  үттеләр. Кошлар  турында  бик  матур  шигырьләр  сөйләделәр,  җырлар  җырладылар. Бәйрәмнең  икенче  өлешендә  ике  командага бүленеп табышмакларга  җавап   бирделәр, рейбуслар  чиштеләр. Кичәне  башлангыч класслар  укытучысы  Насыйбуллина Диләрә  Хәйдәр  кызы  оештырды һәм алып  барды. Укучылар  кошлар турында  бик  күп  мәгълүмат  алдылар.