"Туган телем сагында" акциясе атналыгында укучылар нәниләргә милли аяк киемнәре, аларның исемнәре ( ике телдә), тарихы белән таныштырдылар.

Бу көннәрдә кар күп яву һәм бураннар булу сәбәпле, волонтерларга эш күбәеп китте. Сукмакларны, басмаларны кар көртләре күмде. Бүген "Снежный десант" волонтерлары Иске Җөлби һәм Кушлавыч авылларын тоташтырып торучы җәяүлеләр басмасын кардан чистарттылар. Бу басма аша укучыларыбыз мәктәпкә, ә авыл халкы эшкә, кибеткә йөри. Шушындый эшләрдә катнашып, кешеләргә ярдәм итү, күңелләргә ямь, рәхәтлек өсти. Игелекле эшләрегез өчен рәхмәт сезгә, балалар!

Кыш җитүгә грипп үзе турында искә төшерә башлый, шуңа күрә сәламәтлек турында алдан кайгырту кирәк. Салкын тию авырулары (ОРВИ, ОРЗ) һәм грипп – вируслар аркасында килеп чыккан йогышлы авыру. Вирусларның ОРВИ һәм грипп вакытында таралу чыганаклары булып авыру кеше тора. Төп тапшыру юлы-һава тамчысы.
Балаларга тәрбия сәгатендә профилактика өчен нәрсә эшләргә кирәклеге аңлатылды:
- сәламәт һәм витаминга бай ризыклар (суган,???? сарымсак,????карабодай, кишер, лимон) ашау;
- күбрәк яшелчәләр һәм җиләк-җимешләр, ферментланган сөт продуктлары;
- күбрәк сыеклык эчү;
- көн саен тозлы эремә белән борынны юдыру;
- даими рәвештә спорт белән шөгыльләнү;
- авырулар белән элемтәдән саклану;
- һаваны җилләтү һәм дымландыру;
- биналарның чисталыгын күзәтеп тору.
Авырганда мөстәкыйль дәваланырга ярамый!
Балалар грипптан саклану турындагы мәгълүматны зур игътибар белән тыңладылар һәм әңгәмәдә үзләре дә актив катнаштылар.

Кеше ничек тели, шулай яшәргә ихтыярлы. Әмма кайбер вакытларда үзеңне тормышка яраклаштырырга да тиешсең. Нәрсәне булса да кире кагу, куркыныч адымнардан саклану- һәр кешенең дә үзе өчен мөһим адымы. Тормышыбызны шатлыклы мизгелләр белән генә баетсак иде. Шуны онытмыйк, законны белмәү ул җаваплылыктан азат итми.
Укучылар үзләренең бурыч һәм хокукларын яшьтән белеп үсәргә тиешләр. Шушы максаттан, алар бүген уен аша үзләренең белемнәрен сынап карадылар.

Кыш үзенең кызыклы уеннары, чана, чаңгы, тимераякта шуу белән кадерле ел фасылы. Ләкин аның үз куркынычлары да бар. Шуңа күрә дә балалар иминлек кагыйдәләрен үтәргә тиешләр. Бүгенге тәрбия сәгатендә укучыларга үз-үзеңне тоту һәм куркынычсызлык кагыйдәләре турында сөйләдек. Юлда йөрү кагыйдәләрен үтәргә кирәклеге, яктылык кайтаргычларның һәрвакыт киемнәрендә булырга тиешлеге аңлатылды.

Бүген мәктәбебез 3нче чирекне кышкы чорда юлда йөргәндә куркынычсызлык кагыйдәләре һәм “Террорчылык: куркынычсызлык кагыйдәләре” дип исемләнгән мәгълумати сәгать белән башлап җибәрде. Укучыларга террорчылык вакытында үз-үзеңне тоту кагыйдәләре, шикле әйберләр тапкан очракта нәрсә эшләргә кирәклеге турында сөйләп киттелде һәм юл йөру кагыйдәләре искэ тошерелеп ата-аналар чатына танышу очен мәгълумат булдырылды.

Мәктәбебездә яңа ел алды шатлыклары. Урамнарны, залларны бәйрәмгә матур итеп бизәдек. Укучыларыбыз, укытучылар бик тырышты. Афәрин! Яңа еллар бары тик тынычлык, бәхет-шатлыклар гына алып килсен!

"Чыршыга уенчыклар"бәйгесендә укучыларыбыз бик теләп катнаша.

Мәктәп укучылары хәзер үз белем дәрәҗәсен генә түгел, хезмәткә һәм оборонага әзерлеген дә күрсәтергә тиеш.
Бөтенроссия физкультура-спорт комплексы «Хезмәткә һәм яклауга әзер (ГТО)» максатлары - үсеп килүче буында спортка мәхәббәт уяту, сәламәт яшәү рәвешен пропагандалау, мәктәп укучыларының физик әзерлек дәрәҗәсен күтәрү, яхшы нәтиҗәләр күрсәткән яшүсмерләрне ачыклау.
​ ​ ​ ​ Безнен мәктәп укучылары да әлеге нормативларны ел саен тапшырып киләләр. Бу елны да​ кочләрне сынап, физик әзерлекне тикшереп ГТО номаларын тапшырдык.