"Россия бөркетләре" ("Орлята России") балалар оешмасы һәрбер чарада актив катнаша. Бүген укучылар өстәл уеннары уйнадылар. Ике командада да укучылар актив булдылар. Дуслык җиңде.

"Туган телем сагында" акциясе атналыгы дәвам итә. Бүген укучылар "Бәби карау" йоласы белән таныштылар.

18 декабрьдә безнең мәктәптә "Барысын да белем генә хәл итә"(«Всё решают только знания») төбәк акциясе оештырылды. Акциянең төп бурычы - 9 нчы сыйныф укучыларын БДИ формасында дәүләт йомгаклау аттестациясен уздыруның төп үзенчәлекләре белән таныштыру гына түгел, ә бурычларны хәл итүдә көчләрне сынап карау да. Аудиториядә өстәмә оештыручылар сыйфатында 8 нче сыйныф укучылары җәлеп ителде.

Яңа ел – иң шатлыклы, якты, иң яраткан һәм күңелле бәйрәм. Өлкәннәр дә, балалар да аны түземсезлек белән көтә. Яңа ел рухы мәктәбебездә көннән-көн ныграк сизелә. Мәктәп ишегалдын яңа ел сыннары белән бизәдек. Мәктәп эчке бизәлеше дә бик матур булып укучыларга бәйрәм шатлыгы өсти.

"Туган телем сагында" акциясе кысаларында укучы кызларыбыз, Кушлавыч клубында осталык дәресендә катнаштылар. Алар Пушкин картасыннан файдаланып, Фәния апаларыннан татар халкының чигү үрнәкләрен өйрәнделәр.

Татарстанда Милли мәдәниятләр hәм гореф-гадәтләр елы уңаеннан "Халык сәнгать hөнәрләре hәм кәсепләре" темасы буенча тәрбия сәгате үткәрелде. Балаларга татар милли бизәкләре, милли киемнэр турында искә төшерелде. Ләлә, канәфер чәчәкләрен кисү ысуллары аңлатылды. Кызларыбыз бик матур итеп милли значоклар ясадылар.
Элек-электән килгән милли йолаларыбыз югалмасын, матур традиция булып саклансын иде.

Бүгенге көндә укучыларның барысы да диярлек буш вакытларын интернет челтәрендә уздыра. Белгечләр исә әлеге челтәр аша балаларга яный торган иң зур куркыныч – кибербуллинг, ягъни интернет аша кимсетү, мыскыл итү дип ассызыклый. Шулай ук, мошенниклар һәм педофиллар кармагына эләгү куркынычы да зур дип санала. Бүген без дә укучылар өчен «Интернетта куркынычсызлык» темасы буенча дәрес үткәрдек. Укучылар бу тема буенча туплаган белемнәрен уен – викторинада тикшереп карадылар.

Көннең күп өлешен мәктәптә уздыручы балаларның сәламәтлеге иң беренче чиратта дөрес туклануга бәйле икәнлеге һәркемгә билгеле. Ризык файдалы, туклыклы һәм сыйфатлы булырга тиеш. Безнең мәктәп ашханәсендә пешкән ризык бу таләпләргә җавап бирә. Укучыларыбыз һәркөнне кайнар ризык белән туклана. Пешекчебез Хабибуллина Лилия Равил кызы үз эшен җиренә җиткереп, яратып башкара. Балалар аның пешергән ризыкларын бик яратып ашыйлар. Ата-аналар комитеты ризыкның сыйфатлы булуын контрольдә тота.

Конституция - төп закон, анда җәмгыятебезне оештыруның төп принциплары, Россия Федерациясе халыкларының кыйммәтләре беркетелгән. Анда хокуклар һәм һәрберсенең бурычлары, гаделлек һәм иминлек, гаиләгә мәхәббәт һәм хезмәт кешесенә хөрмәт. Конституция, Россия дәүләтенең бердәмлеге һәм бөтенлеге, гражданнарының алга таба үсеше һәм үз-үзләренең бурычларын тормышка ашыруының төп нигезе булып тора

Россиядә Ватан Геройлары көне-ул безнең илдә ел саен 9 декабрьдә билгеләп үтелә торган истәлекле дата. Ватан Геройлары көне ул тарихи традицияләрне дәвам итү һәм илебез геройларының нинди батырлыклар кылганын хәтердә саклап калу чарасы булып тора. Без каһарман әби-бабаларыбызны искә алып кына калмыйбыз, ә хәзерге вакытта яшәүче геройларны да хөрмәтлибез.
Клубта үткәрелгән информацион сәгатьтә укучылар бу истәлекле датаның барлыкка килү тарихы, 1812 елгы геройлар һәм бүгенге көн геройлары турында белделәр. Чараның төп максаты: укучыларның Ватаныбызның геройлары турында белемнәрен киңәйтү, патриотизм, гражданлык, Ватаныбызның тарихи үткәненә карата горурлык һәм хөрмәт тәрбияләү.