Бүген мәктәбебездә Арча районы буенча яшьүсмерләр һәм бәлигъ булмаган балалар белән эшләүче инспекторлар укучыларыбыз белән әңгәмә үткәрделәр. Алар хокук бозуларны кисәтү, начар гадәтләрдән саклану, интернетта утыру, юлда үзеңне тоту, яктырткыч элементларны куллану кебек темаларга чыгышлар ясадылар. Укучылар өчен мондый әңгәмәләр бик файдалы булды.

Мәктәбебездә Татарстан Республикасының биологик ресурслар буенча дәүләт комитеты "Ашыт" дәүләт табигый тыюлыгы белгече Абдрахманова Гөлнара Ильяс кызы һәм
Татарстан Республикасы экология һәм табигый байлыклар министрлыгының Төньяк территориаль идарәсе белгече Шаймуллина Алия Ринат кызы кунакка килде. Алар укучыларыбыз белән
"День создания Всероссийского общества охраны природы", "День зимующих птиц" темаларына әңгәмә үткәрделәр. Укучыларбызга бай мәгълүмат бирделәр. Экология буенча үткән "Кызыл китап" бәйгесендә катнашучы укучыларны бүләкләделәр.

Белгәнебезчә, ноябрь аеның соңгы якшәмбесе Россиядә әниләр көне буларак билгеләп үтелә. Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман.Тормышыбыз бизәге булган әниләребез матур да, батыр да, мәрхәмәтле дә, изге күңелле дә. 
    Безнең мәктәбебездә дә бүген Әниләр көнен билгеләп үттек. Балалар матур итеп шигырьләр сөйләделәр, матур җырларын бүләк иттеләр. Әниләр көне уңаеннан уздырылган  рәсем конкурсына йомгак ясалды, җиңүчеләр билгеләнде. Бердәнбер, газиз һәм кадерле әниләребезне бәйрәм белән котлап, аларга сәламәтлек, бәхетле тормыш телибез.

Яңа ел алдыннан укучыларга пиротехника куркынычсызлыгы буенча инструктаж үткәрелде. Кеше сәламәтлеге, әйләнә-тирә өчен куркыныч булуы искәртелде.

Укучыларга кечкенәдән җинаятьләр һәм хокук бозулар турында профилактик чаралар уздыру мөһим. Хокук бозу - ул закон бозу. Аның өчен 16 яшьлекләр һәм өлкәнрәкләргә җәза каралган. Бу турыда укучылар белән тәрбия сәгатендә мәгълүмат алдык.

16 ноябрь -Халыкара толерантлык көне. Әлеге төшенчә бар кешегә дә таныш булмаска мөмкин. Тик аның мәгънәсе җәмгыятьнең үсеше өчен бик әһәмиятле булып тора.
Толерантлык сүзен ике төрле контекстта карарга мөмкин: беренчедән, толерантлык ул-кешеләргә карата түземле, кешелекле, шәфкатьле булу. Икенчедән, толерантлыкны икенче милләт вәкилләренә,чит дин кешеләренә яки тагын аерылып торган башка шундый төркемнәргә карата түземлелек дип атарга мөмкин.
Без дә бүген мәктәбебездә “Толерантлык-тынычлыкка юл” исемле класс сәгате үткәрдек. Әлеге дәрестә толерантлыкның эмблемасы, флагы белән таныштык, тест сорауларына җаваплар таптык. Ахырдан толерантлык чәчәге төзедек, толерантлык символы булган тынычлык агачы да ясадык. Дус, бердәм булып яшик!

Бөтендөнья юл фаҗигаләрендә һәлак булучыларны искә алу көне уңаеннан мәктәбебездә тәрбия сәгате үткәрелде.
Менә ун елдан артык инде ноябрьнең өченче якшәмбесе БМО Генераль ассамблеясы тәкъдиме белән юл һәлакәте корбаннарын искә алу көне буларак бипгеләп утелә. Акция 15 нче ноябрьдан 21нче ноябрьга кадәр дәвам итәчәк.Аның максаты – юллардагы улем очракларын киметү, бу проблемага игътибарны арттыру. Юл-транспорт фаҗигаләрендә дөньяда көн саен уртача З мең кеше улә һәм 100 меңгә якын кеше җитди җәрәхәтләр ала. Ел буена үлүчеләр саны 1.3 миллионга һәм җәрәхәтләнеп, инвалид булып калучылар саны 50 миллионга жыела. Юл-транспорт һәлакәтләрендә 15-25 яшьлекләрнең гомерләре аеруча күп өзелә. Бөтендөнья сәламәтлек саклау оешмасы фаразларына караганда, 2021 елга юл фажигаләрендә алган травмалар, йөрәк-кан тамырлары һәм яманшеш авыруларыннан кала, үлемгә китеруче өченче төп сәбәп булырга мөмкин.Юл-транспорт һәлакәте булдырмауны, юл хәрәкәтендә катнашучыларның барысының да кагыйдәне төгәл үтәве нәтиҗәсендә генә ирешеп була. Беребезгә дә якыннарыбызны югалту ачысын татырга язмасын, юлларда исән-имин йөрик!

Укучыларның юл йөрү кагыйдәләре буенча белемнәрен арттыру һәм үзләштерү дәрәҗәсен тикшерү, балаларның игътибарлылыгын,мөстәкыйль эзләнүен,иҗади сәләтләрен үстерү, юл йөрү кагыйдәләрен өйрәнүгә кызыксыну уяту максатыннан "Я выбираю ЮИД" темасына рәсем һәм эшләнмәләр конкурсы уздырдык. Укучылар берсеннән-берсе матур, эчтәлекле рәсемнәр ясадылар. Галиуллина Динә светофор макеты ясап килде.

Бүген мәктәбебездә “Адымнар нык, юллар имин булсын!” дип исемләнгән уен-ярыш узды. Укучылар, ике командага бүленеп, үзләренең юл иминлеге кагыйдәләре буенча белемнәрен ныгыттылар, тикшерделәр: сорауларга җаваплар бирделәр, юл билгеләрен татарча һәм русча атадылар, вак кисәкләрдән юл билгесе җыйдылар, хәрефләр арасыннан сүзләр таптылар, табышмаклар чиштеләр. Укучылар бик канәгать калдылар. Без юл йөрү кагыйдәләрен бик яхшы итеп өйрәнергә, башкаларга да өйрәтергә һәм һәрвакыт үтәргә тиеш. Шул вакытта гына безнең сәламәтлегебезгә куркыныч янамас. Адымнар нык, юллар имин, хәвеф-хәтәрсез булсын!

Интернет куллануның кагыйдәләре белән таныштыру, күзаллауны киңәйтү, интернет челтәре куркынычсызлыгы белән таныштыру, игътибарлылык тәрбияләү максатыннан укучыларга “Интернет челтәрендә куркынычсызлык” темасына тәрбия сәгате үткәрелде.
Хәзерге вакытта глобаль челтәр яшь буынга йогынты ясауның куәтле коралы булды. Иллюзия дөньясы алар өчен торган саен җәлеп иткеч була бара. Аңа чумып, яшьләр үзләрендә «виртуальлеккә бәйлелек» формалашуы хакында хәтта уйламый да. Әмма Интернет кеше өчен файда гына түгел, ә зыян һәм куркыныч та тудыра. Дөньяда 5 миллиардтан артык кеше бөтендөнья пәрәвезеннән файдалана.Бөтендөнья челтәреннән куркынычсыз файдалануның берничә кагыйдәсен тәкъдим итәбез.
1. Конфиденциаль мәгълүматны (банк картасы номеры, ПИН-код, паспорт мәгълүматлары) мессенджерлар һәм социаль челтәрләр аша җибәрмәгез. Документлар сканнары белән хатларны җибәргәннән яки алганнан соң шунда ук бетерү яхшырак, аларны почтада сакларга кирәкми.
2. Таныш булмаган кешеләрдән килгән хәбәрләрдәге сылтамалар буенча клик ясау - кибермошенниклар кармагына эләгү һәм үз җайланмаңа вирус кертүгә бер адым. Куркыныч сылтама таныш компьютердан да килергә мөмкин, шуңа күрә аның сезгә нәрсә җибәргәнен1әм аны ачырга кирәк микәнен аныклау яхшырак.
3. Челтәрдә таныш булмаган кешеләр белән аралашканда сак булыгыз. Алар үзләре таныштырган кеше булып чыкмаска мөмкин.
Ата-аналарга Интернетта балалар өчен куркынычсызлык турында истә тотарга кирәк. Челтәр үз эченә бик күп файдалы мәгълүмат һәм белем генә алмый, әмма зур куркыныч та тудыра. Ата-аналарга бөтендөнья челтәрендә балаларны саклау өчен махсус программалар һәм фильтрлар кулланырга кирәк.