Бүген мәктәбебездә Бөтенрәсәй сәламәтлек көненә багышланган “Иртәнге зарядка” үтте. Әлеге чарада укучылар да, укытучылар да бик теләп катнаштылар. Чөнки алар спортның уку өчен дә, сәламәтлек очен дә бик файдалы икәнен беләләр. Зарядкадан соң укучыларыбыз зур уку теләге белән дәресләргә кереп киттеләр. Укучыларыбызга ныклы сәламәтлек телибез!

“Сакла” проекты Татарстан Республикасы юлларында балаларның имгәнүен киметү һәм киләчәктә законнарны тыңлаучы һәм үтәүче җәяүлеләр тәрбияләүгә юнәлдерелгән. Проект рамкаларында укучылар юл хәрәкәте билгеләрен төрле уеннар һәм мультфильмнар ярдәмендә өйрәнәләр. Бүген башлангыч сыйныф укучылары “Сакла” проекты белән таныштылар, бик кызыксынып «Дозорные дороги» мультфильмын карадылар, онлайн уеннар уйнадылар.

18 мартта Россия Федерациясендә Кырымның Россия белән кушылу көне билгеләп үтелә. Кырым Республикасы территориясендә бу көн 2015 елның 3 мартында кабул ителгән республика законы нигезендә бәйрәм һәм ял көне булып санала. Нәкъ менә шул көнне 2014 елда Кырым рәсми рәвештә Россия Федерациясе составына керде. Бу территорияләрнең Россия составына керүе 2014 елның 18 мартында Мәскәүдә Зур Кремль сараеның Георгий залында Россия һәм Кырым республикасы башлыклары тарафыннан имзаланган дәүләтара килешү нигезендә теркәлгән.
2021 елның 18 нче мартында сәг. 12.00 дә (Мәскәү вакыты белән) «Ачык ишекләр" Бөтенроссия проекты кысаларында, Кырымның Россия белән кушылуы көненә багышланган Бөтенроссия ачык онлайн-дәресен үткәрү планлаштырылды. Без бүген укучылар белән шушы чараның трансляциясен карадык.