Көтеп алган Яңа ел бәйрәмнәре килеп җитте. Һәр кеше күңеле белән яңа ел көтә. Мәктәбебездә
оригиналь чыршы ясау буенча конкурс игълан иткән идек. Укучыларыбыз әти-әниләре белән берлектә эшне башлап та җибәрделәр.Берсеннән-берсе матур,берсеннән-берсе үзенчәлекле чыршылар килә дә башлады. Безнең арабызда искиткеч оста , бай фантазияле укучыларыбыз күп икән бит! Әле конкурска нәтиҗә ясалмады, яңа эш

Яңа ел бәйрәмен каршы алуга әзерлек эшләре дәвам итә. Бәйрәмгә аяк басарга санаулы көннәр калып бара бит. Ә Яңа елны каршылау кайчаннан башланып киткән соң? Кыш бабай, Кар кызы кайчан барлыкка килгән? Укучылар белән шул хакта сөйләштек. “Кыш бабай” һәм “Кар кызы” командаларына бүленеп, кроссворд чиштек. Яңа елны күңелле итеп каршы алыйк!

Яңа елга кардан матур сыннар ясадык.

Укучыларыбыз төрле конкурсларда актив катнашалар, югары урыннар да алалар. “Театр яктылыкка, нурга илтә” дип исемләнгән районкүләмендә уздырылган фестивальдә катнаштылар. Т. Миңнуллинның “Кәрлә мәктәп баласы” әсәрен сәхнәләштереп, беренче урын яуладылар. Афәрин, укучыларыбыз!

Бүген без укучыларыбыз белән #новогодниеокна акциясендә катнаштык. Акциянең максаты - Яңа елның гаилә традицияләрен күрсәтү һәм саклау, традицион гаилә кыйммәтләрен ныгыту. Шушы акция кысаларында, яңа елга әзерләнү максатыннан, укучыларыбыз сыйныф тәрәзәләрен бизәделәр. Яңа ел рухы булдырдылар. Барыгызны да якынлашып килүче Яңа еллар белән!

Ватан Геройлары көне уңаеннан, бүген Республика пректы кысаларында патриотик Җиңү дәресләрәре үтте. Ул “СОВЕТЛАР СОЮЗЫНЫҢ БЕРЕНЧЕ ГЕРОЙЛАРЫ ҺӘМ АЛАРНЫҢ БАТЫРЛЫКЛАРЫ” дип аталды. Төп бурыч булып, укучыларны Бөек Ватан сугышының беренче геройлары белән таныштыру иде. Шулай ук Татарстаннан чыккан Геройлар турында да мәгълүмат бирелде.

12 декабрьдә Россия Федерациясенең күпмилләтле халкы илебез тарихында иң мөһим дәүләт бәйрәмнәренең берсе - Конституция көнен билгеләп үтә. Конституция - төп закон ул. Анда дәүләтнең ижтимагый, икътисадый корылыш нигезләре, гражданнарның хокуклары һәм бурычлары билгеләнгән. Безнең мәктәбебездә дә бу бәйрәмгә багышланган сыйныф сәгатьләре үткәрелде, бәйрәмнең әһәмиятлелеге турында укучылар белән фикер алышынды

Бүген башлангыч класс укучылары музейда булдылар.Музей мөдире Ләйлә Мөнир кызы "Кайсыгызның кулы җылы?"дигән темага музей дәресе уздырды. Авыр катлаулы юл үткән, фаҗигале язмышлы татар поэзиясенең маягы-Хәсән Туфан турында тулы белешмә алдылар. Дәрестә укучыларыбыз да актив катнаштылар. Сорауларга тулы җаваплар бирделәр.Әлеге чара балаларга файдалы булды диясе килә.