Башлангыч класс укучылары Учи.ру платформасында юл йөрү буенча үткәрелгән олимпиадада бик теләп катнаштылар. Укучыларыбыз автобуста, машинада йөрү, юл аркылы чыгу кагыйдәләрен искә төшерделәр. Юл билгеләре буенча белемнәрен сынадылар. Югары балларга ия булдылар.

Арча муниципаль районында, 1сеннән 9 нчы декабрьгә кадәр, #Бум Батл дип аталган макулатура жыю буенча Бөтенроссия акциясе башланып китте. Бу акциядә безнең мәктәп укучылары да бик теләп катнашалар. Хәр класска тапшыру нормасы билгеләнде

Бүген башлангыч класс укучылары арасында "Без онытмыйбыз сине ,солдат!"исеме астында рәсем конкурсы уздырдык. Әлеге конкурс совет солдатларының үлемсез батырлыгын мәңгеләштерү, тынычлык өчен гомерен биргән һәр кеше турында хәтерне киләчәк буыннарга тапшыруны максат итеп куя. Әлеге чарада Һәр бала теләп, зур кызыксыну белән катнашты. Илебез тарихында иң дәһшәтле саналган Бөек Ватан сугышында миллионлаган солдатның гомере өзелде. Сугыш кырларында билгесез югалганнар саны да меңәрләгән. Илебез тынычлыгы өчен сугышкан солдатларны онытмыйк.

2020 елның 3 нче декабрендә Бөек Җиңүнең 75 еллыгы, Хәтер һәм Дан елы рамкасы кысаларында “Билгесез солдат көне” (“День неизвестного солдата”) Бөтенрәсәй акциясе үткәрелә. Шушы акция уңаеннан, бүген мәктәбебезнең “Яшь армиячеләр” отрядындагы укучыларыбыз, авылыбызның сугыштан кайтмый калган бабайлар истәлегенә куелган һәйкәлгә венок салдылар. Аларны бер минут тынлык белән искә алдык.

Мәктәбебезнең башлангыч класс укучылары бүген Бөек Ватан сугышында һәлак булган авылдашларыбызга куелган Ана һәйкәлен кардан чистарттылар. Юкка гына "Үлгәннәрнең каберен бел, исәннәрнең кадерен бел", димәгәннәр. Безгә Җиңү таңын бүләк итеп, үз гомерләрен аямыйча сугышып ,чит җирләрдә ятып калган авылдашларыбызны онытмыйк. Алар безнең күңелләрдә һәрвакыт саклансын

1 декабрь – СПИДка каршы көрәш көне. Укучыларга наркомания, токсикомания, СПИД кебек афәтләрнең кешелеккә бик ничек куркыныч булуы турында аңлатылды. Ихтыяр көче булу, кешегә иярмичә - үз җавабыңны төгәл әйтә белергә кирәклеге әйтелде.

Бүген, ягъни 30 нчы ноябрь көнне, укытучылар өчен вебинар оештырылды. Аның темасы: “Балалар һәм яшүсмерләр арасында сәламәт яшәү рәвеше формалаштыру һәм ВИЧ-инфекция таралуны кисәту буенча профилактик чараларны оештыру”.
Бөтендөнья СПИДка каршы көрәш көне ел саен 1 декабрьдә билгеләп үтелә. Бу көн - ВИЧ/СПИД эпидемиясенең Глобаль таралуын туктату кирәклеге турында искәртүгә хезмәт итә.
СПИД – специфик вируслар китереп чыгарган һәм дәвалауга бирешмәүчән йогышлы авыру. Вирус кешенең канына үтеп керә һәм организмның иң мөһим саклану чарасы булган ак кан тәнчекләрен, лимфоцитларны зарарлый. Нәтиҗәдә СПИД йоктырган кеше төрле авырулар китереп чыгаручы микробларга, яман шешләргә бирешүчән була.

Бүген мәктәбебезгә Арча үзәк больницасыннан врач нарколог-психиатр Әхмәтҗанов Рөстәм Әдһәм улы, Арча шәһәренең 6 нчы номерлы мәктәбе психологы Хадиева Эльвира Ринат кызы, Арча муниципаль районы башкарма комитеты аппаратының яшүсмерләр арасында хокук бозуны кисәтү буенча әйдәп баручы белгече Хабирова Рамилә Гомәр кызы укучылар белән очрашуга килделәр. Һәр белгеч үз юнәлеше буенча укучылар алдында чыгыш ясадылар, төпле киңәшләрен бирделәр. Балалар үзләрен кызыксындырган сорауларга тулы җаваплар алдылар.

Акрын гына табигатькә кыш якынлаша. Көннәр салкыная.Кошларга ризык табу кыенлаша. Аларга ярдәм йөзеннән башлангыч класс укучылары белән җимлекләр элдек.Кошларга ипи валчыклары , ярмалар салдык. Рәхәтләнеп сыйланыгыз, кошкайлар!

Бүген мәктәбебезнең СМС балалар төркеме “Сәламәт әни-сәламәт бала” (Здоровая мама-здоровый ребенок”) акциясендә катнашты. Халык күп йөри торган урыннарда очраган хатын-кызларны сәламәт яшәү рәвеше алып барырга өндәделәр. Аларны якынлашып килүче әниләр көне белән котлап, ярату билгесе булып торган йөрәк һәм беләкзекләренә уңыш, кояш, шатлык билгесе булган кызгылт-сары тасма бәйләделәр.