Дөнья күләмендә һәр елны май аеның 3нче якшәмбесе ВИЧ-СПИД авыруыннан үлүчеләрне искә алу, әлеге куркыныч чиргә каршы тору көне буларак билгеләп үтелә (тулырак фотолентада). Быел online форматта. Без дә тәрбия сәгатьләрендә әлеге акциягә кушылабыз...

    Һәр елны шушы көнне мәктәп белән традицион походка чыга идек. Балалар "Пионер оешмасы"ның туган көне! Бу көнне мәктәбебезнең хәзерге укучылар оешмалары "Карлыгачлар", "Варислар" матур спорт-ял бәйрәме итеп үткәрә. Пионер оешмасының тарихи-тәрбияви чынбарлыгы белән таныша, патриотик хисләрен ныгыта... Быел мәгълүм сәбәпләр аркасында бәйрәм online форматта узачак (фотолар алдагы елныкы кулланылды). Шушы матур балачак бәйрәме белән барыгызны да котлыйбыз!..

    ТАССРның 100, Арча районы оештырылуга 90 ел һәм "Гаилә көне" уңаеннан укытучыларыбыз тарафыннан флешмоб башлап җибәрдек. Һәр гаилә үзләренең район, республикабыз үсешенә өлешен керткән өлкән буыннарының фотоларын кулланып бәйрәм белән котлый...

    Бөек Җиңүнең 75 еллыгы белән!.. Бүген бәйрәм уңаеннан Кушлавыч мәктәбе, балалар бакчасы, Кушлавыч авыл клубы, китапханәсе, Тукаевларның Кушлавычтагы музей-йорты, җирле үзидарә җитәкчеләре, отставкадагы прапорщик Галимҗанов Габделфәт абый авылыбыздагы дан һәйкәленә венок салдык.
    Хөрмәтле тыл ветераннарыбызга (сугыш ветераннарыбыз кызганычка инде мәрхүмнәр) республика, район, җирле үзидарә җитәкчелеге, Кушлавыч мәктәбе, клубларының котлау открыткаларын тапшырып, бәйрәм белән котлап хәл белештек... Илләребез имин, күкләребез тыныч булсын!..

Яз һәм хезмәт бәйрәме - 1 май белән! "Беренче май открыткасы" ("Первомайская открытка") акциясендә катнашабыз.

    Габдулла Тукайның тууына 134 ел. Сөекле шагыйребез Габдулла Тукайның туган көне уңаеннан җирле үзидарә, Кушлавыч мәктәбе, балалар бакчасы, Кушлавыч авыл клубы, китапханәсе, Тукаевларның Кушлавычтагы музей-йорты җитәкчеләре аның һәйкәленә чәчәкләр салдык (тантанада барлык санитар кагыйдәләр дә үтәлде). Бәйрәм белән!..

    Бөек татар шагыйре, авылдашыбыз Габдулла тукайның тууына 134 ел уңаеннан мәктәбебез укучылары, укытучылар, хезмәткәрләр, әти-әниләр "Без Тукайны укыйбыз" әдәби марафонында, рәсемнәр бәйгеләрендә актив катнаша. 

    Бөек Җиңүнең 75 еллыгы уңаеннан тыл ветераннарының тормыш-көнкүрешен, биографияләрен барлыйбыз. Инстаграм челтәрендә алар белән таныштыруны башлап җибәрдек.

    Бүген татар халкының бөек шагыйре Габдулла Тукайның вафатына 107 ел...

    Дистанцион тәрбия сәгатьләрендә лл йөрү кагыйдәләрен кабатлыйбыз һәм өйрәнәбез...