Мәктәбебездә 4 нче сыйныфлар өчен бүген соңгы кыңгырау чылтырады. Алар бу бәйрәмдә үзләренең тагын бер кат сәләтләрен күрсәттеләр. Балалар бакчасыннан да 4 сабый олы тормыш юлына беренче адымнарын атладылар. Барыгызга да уңышлар, киләчәктә яхшы укучылар булуыгызны телибез!

Укучылар Мирҗәм авылына сәяхэткә бардылар. Чишмә тирәләрен чистартып кайттылар.

Балалар бакчасында экология буенча эшчәнлекләр дәвам итә. Мәктәпкә әзерлек төркеменә йөрүче балалар кечкенә иптәшләренә экологик әкият сәхнәләштереп күрсәттеләр.

Мәктәп-балалар бакчасына йөрүчеләрне җырчы С.Шиһапов  төрле халык уен кораллары белән таныштырды. Укучылар һәм балалар бакчасы нәниләре җырчының уен коралларында уйнавы һәм җырлавын кызыксынып карадылар, үзләре дә бу кичәдә актив катнаштылар.

15 нче май - Халыкара гаилә көне. Халыкара гаилә көне котлы булсын! 15 май 1993 елдан БМОның генераль ассамблеясы карары белән гаилә көне итеп билгеләнгән.Халыкара гаилә көне котлы булсын!   Бүген класс җитәкчеләре " Гаилә - минем терәгем" темасына сыйныф сәгатьләре үткәрделәр. Һәр укучы  үз гаиләсе турында сөйләде, үз гаиләләрен рәсемнәрдә сурәтләделәр.

Бакчада язгы эшләр башкаруны дәвам итәбез.

2 нче сыйныф укучылары туган ягыбыз тарихын тирәнрәк өйрәнү максатыннан музеебыздагы борынгы эш кораллары белән таныштылар, аларны кулланып эшләп карадылар.

Бүген балалар бакчасында мәктәпкә әзерлек төркеменә йөрүчеләр диагностик тест биремнәрен эшләделәр.

4 нче класс укучыларын Варислар сафларына кабул итеп алдык. Укучыларыбыз киләчәктә илебезнең ышанычлы, тугърылыклы  гражданины  булырга сүз бирделәр. Без яшь варисларыбызга укуларында зур уңышлар, якты киләчәк телибез!

"Батыларның даны мәңгелек!" исеме астында Пешәнгер башлангыч мәктәп-балалар бакчасында әдәби кичә булып узды. Укучылар Бөек Ватан сугышында һәлак булган һәм сугыш кырыннан җиңү яулап кайтып вафат булучы авылдашларыбызны искә алып, һәйкәлгә чәчәкләр куелды. Һәрберебезнең күңеленә түбәндәге шигъри юллар килә:

Кирәкми безгә кан кою,

Кирәкми безгә сугыш!

Безнең теләк якты, матур -

Тыныч хезмәт һәм тормыш!