Җәйге каникуллар вакыты булуга карамастан, районыбызда һәм мәктәпләрдә спорт буенча ярышлар даими узып тора. Районда узган бүгенге волейбол ярышында мәктәбебезнең кызлар командасы 3 нче урыннны алып кайтты, егетләребез дә матур уен күрсәттеләр. Уңышларыгыз өчен рәхмәт укучылар, киләчәктә дә уңышлар сезгә.

Бүген, ягъни 20 нче август көнне, мәктәптә зона күләмендә волейбол  ярышы булды. Әлеге ярышта  Арчаның 2 нче номерлы, Сеҗе, Курса Почмак, Урта Курса, Сикертән һәм Разъезд Курса мәктәпләреннән укучылар катнашты. Командалар зур әзерлек белән килеп  матур уен күрсәттеләр. 1  урынга  Курса Почмак мәктәбе ( тренеры Хасанов) егетләр һәм кызлар командасы ия булды. Укучыларыбыз 22 август көнне Арчага волейбол ярышына бара. Уңышлар сезгә укучылар.

    Бүген мәктәпкүләм өмә уздырылды. Бергәләп эшләү бик күңелле булды: территорияне себердек, чүп утадык, суган араладык, корыган агачларны кистек.

     Бик тиздән мәктәптә, яңа уку елы башланганын хәбәр итеп, беренче кыңгырау чылтыраячак. Әлеге күңелле чарага әзерлек эшләре башланды.

   Җәй уртасы җиттеме, бакчадагы яшелчәләрне кышка әзерләү процессы башлана. Кыяр тозлар өчен хәзер менә дигән вакыт. Тик кыярлар матур, тәмле булып тозлансын  өчен тырышырга кирәк.Пешекчебез Рахимҗанова Филсинә апа ел саен бик күп итеп кышка кыярларын да, помидорларын да тозлап куя, җиләк-җимеш кайнатмалары да ясый. Шуңа бәйле рәвештә кыш буе укучыларыбыз тәмле ризык кулланалар.

Бүген, ягъни 11нче август көнне, мәктәптә зона күләмендә футбол ярышы булды. Әлеге ярышта  Арчаның 2 нче номерлы, Сеҗе, Курса Почмак, Урта Курса, Сикертән һәм Разъезд Курса мәктәпләреннән укучылар катнашты. 1 урынга  Арчаның 2 нче номерлы  мәктәбе (тренеры Набиуллин),  2 нче урынга Сеҗе мәктәбе (тренеры Нагимов), 3нче урынга  Курса Почмак мәктәбе ( тренеры Хасанов), 4нче урынга  Урта Курса мәктәбе (тренеры Мингазов), 5нче урынга Сикертән мәктәбе ( тренеры Набиуллин), 6 нчы урынга  Разъезд Курса мәктәбе ( тренеры Зарипова ) укучылары лаек булды.

    2015 нче елның 8 нче августында Арча шәһәре стадионында мөселман балалар Сабан туе булды. Программага кертелгән милли көрәш бәйгесендә безнең мәктәп укучылары да актив катнашты. Рамазанов Илнур 50 кг үлчәү авырлыгында 1 урынны, ә Ахметсафин Надир 36 кг үлчәү авырлыгында 3 урынны яулады. Тренерлары -  Набиуллин Рәзил Расип улы. Укучыларыбызга киләчәктә дә зур уңышлар телибез.

      3 августта Курса Почмак авылында яшәүче ветеран укытучыбыз Ания апа Фәхретдиновага 90 яшь тулды. Ания апаны котларга бер төркем укытучылар барды. Ания апа - гомеренең яртысына якынын балаларга башлангыч белем биреп, хәрефләр танытып, илебезгә никадәр яшь буынны тормышка әзерләп биргән кеше. Ул әле дә мәктәптә кадерле кунак. Гомере балалар арасында узган укытучы мәктәптән рухи көч, җанына дәва алып кайта. Без Ания Габдрахман кызына бәхетле картлык, тыныч тормыш, балаларының һәм оныкларының игелеген күреп әле озак еллар яшәвен телибез.