Бүген, ягъни 28 нче май көнне,  укучыларыбыз Арча шәһәре Укучылар сараенда республикакүләм "Алтын каләм" - "Золотое перо" - 2015 бәйгесе муниципаль этабының йомгаклау һәм бүләкләү тантанасында катнаштылар. Әлеге бәйгедә 10 нчы сыйныф укучысы Мортазина Гөлүсә "Тележурналистика" номинациясе буенча 1 нче дәрәҗә Дипломга лаек булды, 10 нчы сыйныф укучысы Масалимова Назлыгөл һәм 8 нче сыйныф укучысы Мәҗитова Энҗе актив катнашучылар буларак билгеләп үтелде.

                Бүген мәктәбебезнең 4 нче сыйныфын тәмамлаган укучыларыбыз башлангыч мәктәп белән саубуллаштылар. 4 ел белем һәм тәрбия биргән, белем дөньясына алып кергән укытучылар Шиһапова Л.М. аларга хәерле юл теләде, изге теләкләрен җиткерде. Югары сыйныфларда белем алганда да бу малай-кызлар югалып калмаслар, тырышып укырлар, мәктәбебезнең иң актив укучылары булырлар дигән теләктә калабыз.

           Ветеран укытучыларыбыз, педагогик коллектив һәм бер төркем укучылар 27 нче май көнне Г. Камал исемендәге татар дәүләт академия театрында булдык. Бу театр безнең күңелебезгә  бик якын. Беренчедән, Г.Камалның әнисе Иске Масра авылыныкы; икенчедән, әлеге театрда Курса Почмак мәктәбен тәмамлаган якташыбыз Фәнис Җиһанша хезмәт куя. Бүген дә безгә бәхет елмайды: Фәниснең иҗатына тагын бер кат сокландык һәм горурландык. Без бик бирелеп һәм яратып караган Т. Миңнуллин пьесасы буенча куелган "Җанкисәккәем" спектакллендә ул Рим ролен башкарды. Фәнис Җиһаншага киләчәктә дә зур сәхнә тормышы һәм иҗат уңышлары, гаилә бәхете, әнисе Фирая апага (ветеран укытучыбыз)  ныклы терәк булуын телибез.

            Казаннан зур тәэсирләр һәм яңадан бару теләге белән кайттык, чөнки транспорт өчен дә борчыласы булмады: театрның зур һәм уңайлы автобусы ерак юлны якынайтты. Уку елы ахырының шулай күңелле тәмамлануы барыбыз өчен дә истәлекле булды.

       "2015 нче ел - Татарстан Республикасында Парк һәм скверлар елы" һәм Балаларны яклау айлыгы уңаеннан 2, 3, 4, 5, 6, 8 нче сыйныф укучылары табигатькә чыктылар. Башлангыч сыйныф укучылары буадан балык тоту буенча ярыш оештырдылар, ә  калган укучылар "Үсемлекләрне таныйсыңмы?" уен-викторинада катнаштылар. Туган як табигатенә сәяхәт барлык укучыларга да бик ошады.

       26 май көнне Иске Масра (җитәкчесе Фатыхова Э.И.)  һәм  Югары  Масра (җитәкчесе Хөснетдинова  Г. Р.) башлангыч мәктәбе укучылары якташ язучыбыз М. Мәһдиев музеена бардылар.  Музей хезмәткәре Габидуллина Халидә апа балаларга аңлаешлы телдә Мөхәммәт  Мәһдиевның бала чагы, тормыш юлы, иҗаты турында сөйләде. Балалар бик канәгать калдылар.

Ученица 3 класса Ахмадуллина Диана участвовала в фотоконкурсе " Дай лапку, друг". Наставник Ахмадуллина Г.И.

Ученик 3 класса Шигапов Илзир участвовал в фотовыставке "9 мая - урок памяти ". Наставник Шигапова Лейсан Мансуровна.

  22 мая 2015года  в Арске  прошёл    очередной  районный конкурс «Рисунки на асфальте», где наши учащиеся  Шигапова  Тансылу(8 класс) и  Мазитова Эндже (8 класс) под руководством  Рахимовой Ф.Д. приняли активное участие и заняли  1-ые (Шигапова Тансылу ) и 3-ьи (Мазитова Эндже) места, награждены дипломами и подарками 

                Бүген мәктәптә 11 нче сыйныф укучылары өчен соңгы кыңгырау яңгырады. Быел мәктәпне 7 егет һәм кыз тәмамлый. Аларга сәламәтлек, иҗади уңышлар, җиңел имтиханнар телибез.

" 9 май- хәтер дәресе" исемендәге фотоконкурста актив катнашып, рейтинг буенча 1 урынны алган 3 класс укучысы  Әхмәдуллина Диана  сертификат белән бүләкләнде. Җитәкчесе Әхмәдуллина Г.И.