Бүген мәктәбебезнең 5, 6, 7, 8 нче класслардан бер төркем укучы Арча Боз Сараена кунакка бардылар. Физик тәрбия укытучысы Ситдиков А.Г. җитәкчелегендә укучылар тимераякта шуу серләренә төшенделәр, ике сәгать буе бозда шудылар. Укучыларда әлеге спорт төре зур кызыксыну уятты. Каникулларда оештырылган әлеге сәяхәт өчен укучылар һәм аларның әти-әниләре мәктәпкә, район мәгариф идарәсенә зур рәхмәтле.

9 нчы декабрь көнне чаңгычыларыбыз Арча районы буенча уздырылган чаңгы эстафетасында катнаштылар. Сайфуллина Динә, Саттарова Наилә, Ситдиков Элвир, Шәрәфиев Илназлардан торган 1 команда  район буенча беренче урынга,  Фазлиева Илүзә, Шакиров Илназ, Мокаева Ландыш, Хөсәенов Илнарлар командасы икенче урынга лаек булды. 1998-1997 елгы укучылар арасында чаңгы ярышында Сайфуллина Динә - 3 урын, Саттарова Наилә 2 урын яуладылар. Тренерлары физик тәрбия укытучысы Ситдиков А.Г.  Укучыларны зур җиңүләре белән котлыйбыз!

Мәктәптә ОГЭга әзерлек эшләре каникул вакытында да дәвам итә. Әлеге максаттан,  9 нчы класс укучылары белән рус теле, математика, татар теле фәннәреннән пробный ОГЭ үткәрелде.

Мәктәбебез  укытучылары  Лесхоз мәктәбендә үткәрелгән кышкы ярышларда катнаштылыр.  Шахмат  ярышында математика укытучысы Бәдретдинова Фәридә Зөфәровна 2 урын,  шашка буенча директорыбыз Гилязиев Хәйсәр Равилович 3 урын яуладылар. Аларны әлеге җиңүләре белән котлыйбыз!

2001-2002 елгы укучылар арасында Татарстан беренчелегенең  чаңгы буенча зона  ярышлары Саба районында үткәрелде. Әлеге ярышта мәктәбебезнең  Сайфуллина Динә, Фазлиева Илүзә, Хәбиева Ландыш, Ахметзянов Динар, Шакиров Илназ һәм Ситдиков Эльвирлардан торган команда мактаулы дүртенче урынны яуладылар. Сайфуллина Динә шәхси беренчелектә үз яшьтәшләре арасында беренче урынны алды. Команданы әлеге ярышка әзерләгән физик тәрбия укытучысы Ситдиков А.Г.ка зур рәхмәтебезне белдерәбез!

Бүген педагогик киңәшмә үткәрелде. Педагогик  киңәшмәдә беренче көн тәртибе буенча укыту-тәрбия эшләре буенча директор урынбасары Мостафина Г.Г. уку елының беренче яртыеллыгында укучыларның белемлелек һәм тәрбиялелек дәрәҗәләренә, пробный ГИАларга анализ, өченче чиреккә бурычлар белән таныштырды. 11 укучы  уку чиреген "5"ле билгеләренә, 18 укучы "4"ле билгеләренә өлгерүен хәбәр итте. Уку сыйфаты 69,05%, өлгереш 100 %. Класс җитәкчеләре  үз классларында һәр укучының тәртибе һәм тырышлыклары хакында тулы мәгълүмат бирделәр. УТЭБДУ 2 чиректә программа үтәлеше, фәннәрне укыту сыйфаты белән таныштырды,  сәләтле балалар белән эшнең торышынна анализ ясады. Китапханәче Ахметзянова Г.Х. киләсе уку елына заказ бирәсе дәреслекләр исемлеге белән таныштырды. Мәктәп директоры педагогик киңәшмәгә йомгак ясады,  икенче яртыеллыкка бурычлар белән таныштырды. 

"Самостоятельные дети"  проекты кысаларында  мөмкинлекләре чикләнгән балалар өчен "Подари чудо" акциясе үткәрелде.

Мәктәп алдында  кар сыннары  ясауда һәр класс актив катнашты.