14 февраль - Гашыйклар көне буларак билгеләп үтелә. Шул уңайдан 7-9 класс укучылар арасыннан 4 пар "Ике йолдыз" кичәсендә катнаштылар. Кичәне инглиз теле укытучысы Гарипова Ләйсән Наил кызы һәм Габдулла Тукай исемендәге Арча педагогия  көллияте студенткасы Шакурова Лилия оештырдылар. Парлар матур итеп очрашу тарихларын уйнап күрсәттеләр, инглиз телендә бер-берләренә матур сүзләр әйттеләр, бүләкләр бирделәр. "Идеаль пар" дип Фазлиева Илүзә һәм Кабиров Булат сайланды. Кичә бик күңелле узды. 

Бөек Җиңүнең 70 еллыгына багышлап тарих һәм җәмгыять белеме фәннәре укытучысы Хәбибуллина Гөлназ Галимҗан кызы  5-6 класс укучылары белән Арча районы Советлар Союзы Геройларына багышланган "Җиңү язын каршылаганда...."  исемле кичә үткәрде. Укучылар Бөек Ватан сугышында катнашкан  Арча районы Геройларының батырлыгы,  кыюлыгы,  фидакарь хезмәтләре турында тулырак мәгълүмат алдылар. "Патриот кем ул?" соравына җавап эзләделәр, батырлык турында шигырьләр сөйләделәр.

Бүген мәктәбебездән 8 укучы Яңа Кырлай мәктәбендә уздырылган "Аҗаган" уенының зона ярышларында катнаштылар. Барлыгы 10 мәктәп үзара көч сынаштылар.

Укучылар граната ыргыттылар, снайперларча төз аттылар, вакытка противогаз киделәр, яралыны бер урыннан икенче урынга күчеделәр, билгеләнгән урыннан миналар эзләделәр, интеллектуаль сорауларга җавап бирделәр, каршылыклар аша уздылар.  Уен бик кызыклы булды, һәр команда үз көчен сынап карады.

Бүген мәктәбебездә 1-9 класс укучылары арасында Бөек Җүңүнең 70 еллыгына багышланган чаңгы ярышы үткәрелде. Теләге булган һәркем чаңгыга басты. Укучылар җитезлектә, чыдамлыкта үзара көч сынаштылар. 1-4 класслар арасында Хусаинов Илназ  1 урын, 5-6 класслар арасында Шакиров Илназ, Сайфуллина Динә 1 урын, 7-9 класс укучылары арасында Шарафиев Илназ, Саттарова Наилә 1 урыннарны яуладылар. Укучыларны җиңүләре белән котлыйбыз!

Балаларда хезмәткә мәхәббәт тәрбияләү - әхлак тәрбиясенең аерылгысыз  өлеше. Шул максаттан бүген һәр класста генераль җыештырулар үткәрелде. 1-3 класс укучыларына бу чара бик ошады. Класслар ялт итте...

8 февральдә  Арча стадионында үткәрелгән "Лыжня Татарстана -2015" чаңгы ярышында безнең мәктәп укучылары да актив катнаштылар. 7-12 яшьлек малайлар арасында 1 км арада Шакиров Илназ -  2 урын, 12-15 яшьлек кызлар арасында Сайфуллина Динә - 2 урын, Фазлиева Илүзә - 3 урын, 12-15 яшьлек егетләр арасында Шарафиев Илназ  - 1 урын, Хусаинов Илнар -  2 урын, 15-18 яшьлек кызлар арасында Саттарова Наилә - 1 урын, Мукаева Ландыш - 2 урыннарны алдылар. Аларның тренерлары Ситдиков А.Г.  үз яшь категориясендә 1 км арада шуып 3 урын яулады. Команда һәм аның тренерын зур җиңүләре белән котлыйбыз, яңа  җиңүләр теләп калабыз!

"Көрәш ул сабантуйларыңда кулыңа тастымал урап кемнәрнеңдер биленнән алу гына түгел. Тормыш өзлексез көрәштән гыйбарәт..." - дип яза Ф.Яруллин "Җилкәннәр җилдә сынала" әсәрендә. 7  нче класс укучылары класс сәгатендә әлеге әсәр турында фикер алыштылылар. Фәнис Яруллин батырлыгына сокландылар.

   Бүген безгә  авылдашыбыз - Татарстанның атказанган мәдәният хезмәткәре,  Татарстан Республикасы  Министрлар Кабинетының  Баш архив идарәсе башлыгы - Ибраһимов Данил Исмәгыйль улы, аның апасы Сүрия ханым, абыйсы Шамил әфәнделәр кунакка килделәр. Данил Исмәгыйлевич белән очрашуга аның класс җитәкчесе - Татарстанның атказанган укытучысы Хасанова Рәшидә Фәйзрахман кызы да чакырылды.  Данил әфәнде 1972-1982 елларда-Казан шәһәре мәдәният сарайларында концертмейстер, 1982-1993 елларда-ТАССР Дәүләт радиосында диктор, бүлек мөдире, 1993-2005 елларда - ТР Министрлар Кабинеты мәдәният, сәнгать һәм спорт бүлегендә әйдәп баручы һәм баш референт булып эшли.

Бөек Җиңүнең 70 еллыгына әзерлек кысаларында сугыш чоры балалары  һәм тыл ветераннары белән очрашулар дәвам итә. Бүген укучылар Иске Кырлай авылында гомер итүче Рәхимбаева Рәмлә Фәхретдин кызында кунакта булдылар. Рәмлә апа укучыларга тылдагы хезмәте, сугыш чорының авырлыгы турындагы хатирәләрен сөйләде.

Бүген 3 нче февраль көнне 1 нче класс укучылары арасында "Иң матур язучы укучы" конкурсы үткәрелде. Нәтиҗәләрдән күренгәнчә, Низаметдинов Кәрим беренче урынны алды. Аның дәфтәрләре чиста, пөхтә, язуы бик матур. Үрнәк алыгыз!