Шимбә көнне спорт сөючеләр саф һавада уеннар уйнадылар: җиңел атлетика түгәрәген үз итүчеләр бәхетле иде.

Бүген 9 класс укучылары татар теленнән белемнәрен тикшерү өчен консультациягә килделәр. Алар барлык имтиханнарга да әзерләнеп өлгерү өчен, күп көч куярга кирәклеген аңлыйлар.

Мәктәптә педсовет утырышы узды. Көн тәртибендә: өченче чирек йомгаклары, пробный ОГЭ нәтиҗәләре, имтиханнарга әзерлек мәсьәләләре каралды.

Шулай ук түгәрәкләр дә үз эшен дәвам итә: синтезатор түгәрәгенә йөрүче укучылар чираттагы дәрес алу өчен мәктәпкә җыйналдылар.

Бүген 9 нчы класс укучылары рус теле буенча имтиханга әзерләнү өчен консультациягә килделәр. Күптән түгел генә, район буенча рус теленнән  пробный ОГЭда үз көчләрен сынап кайттылыр алар. Нәтиҗәләр начар түгел, чын имтиханда да сынатмаска иде...

Мәктәбебез каршында эшләп килә торган "Оста куллар" түгәрәге эше каникулда да дәвам итә. Түгәрәккә йөрүче укучылар бисердән эшләгән гөлләрен бүлмәгә тезеп куйсалар, мәктәпкә яз кергән дип уйлап була. Күз явын алырлык, аллы-гөлле чәчәк атучы гөлләрне безнең мәктәпкә килеп күрә аласыз...

Көткән каникул көннәре җитсә дә, 9 нчы класс укучылары өчен "урак өсте" якынлаша. Алар график нигезендә,  фәннәр буенча имтиханнарга әзерләнү өчен мәктәпкә киләләр. Дүшәмбе көн - математика көне иде.

   Бүген Язны каршылау бәйрәмендә Бөек Җиңүнең 70  еллыгы кысаларында  саф һавада  хәрәкәтле уеннар уйнадык. Укучыларыбыз капчык сугышында, агач чаңгыда узышуда,  башлангыч класс укучыларын чанада тартып йөрүдә,  агач кашыкка йомырка кабып йөгерүдә,  теннис ракеткасы белән кечкенә тупны ераграк урынга  алып баруда үзара көч сынаштылар.  Иң соңыннан аркан тартышып иң көчле кызны һәм иң көчле егетне билгеләдек. Уеннарда һәркем теләп катнашты һәм һәрбер җиңүчегә бүләк бирелде. Бүләкләр алуда ярдәм иткән спонсорыбыз "Металл" оешмасы җитәкчесе Гәрәфиева Л.Г.га рәхмәт белдерәбез!

Бүген Бөек Җиңүнең  70 еллыгы кысаларында "Сезнең тормыш - үзе батырлык"  кичәсе үткәрелде. Кичәгә Иске Кырлай авылы җирлегендә гомер итүче Бөек Ватан сугышы ветераны Камалов Әнвәр Галәветдин улы һәм тыл батырлары чакырылды.  Иске Кырлай авылы җирлеге башлыгы Сираҗетдинов Фәргать Гарәфетдин улы ветераннарга Бөек Җиңүнең 70 еллыгы медальләрен тапшырды, бүләкләр өләште. Ветераннар үзләренең истәлекләре белән уртаклаштылар, Камалов Әнвәр абый сугыш вакытында җырлаган җырларын башкарды. Чынлап та бит, тыл каһарманнары көнне төнгә , төнне көнгә ялгап хезмәткә җигелгәннәр.  Алар сынып та, сыгылып та төшмәгәнәр. Тизрәк Җиңү килсен дигән теләк белән тагын да тырышыбрак эшләгәннәр.  Барысы өчен дә зур рәхмәт сезгә!

Җиңү бит ул җиңел бирелмәде.

Аны бит сез якынайттыгыз....