1 июнь көнне Шушмабаш урта мәктәбендә “Күбәләкләр” сәламәтләндерү һәм ял лагеры ачылды. Лагерьны ачу тантанасы мәктәпнең актлар залында укучыларның иҗат номерларын күрсәтү белән башланды. Бәйрәмнең тантаналы өлешендә укучылар үзләренең иң матур җырларын, биюләрен, шигырьләрен бүләк иттеләр. Бәйрәм 1 июнь- “Балаларны яклау көне” уңаеннан мәктәбебезнең спорт мәйданчыгында дәвам итте. Укучылар тәрбиячеләр белән берлектә төрле спорт уеннарында катнаштылар. Лагерьның беренче көне менә гшулай кызыклы һәм күңелле үтеп китте.

Бүген мәктәпләрдә 11нче сыйныф укучылары өчен соңгы кыңгырау чыңлый. Быелгы чыгарылыш укучылары бердәмлекләре, уңган-тырыш булулары, олимпиадаларда күп призлы урыннар алулары белән аерылып тора. Аларга яңа тормышта да бердәм, тырыш, кешелекле булуларын, уңышлар телибез!

Балачакка кире кайтып булмый,

Бүген Арча шәһәрендә районкүләм асфальтта рәсем ясау конкурсы үтте. Көн эссе булуга карамастан, катнашучылар бик күп килгән иде. Балалар асфальтта рәсем ясарга елдан-ел остарып килә. Жюрига да җиңүчеләрне сайлау бер дә җиңел булмады. Безнең укучыбыз, Габделганиева Наилә, 14 яшьтән алып 18 яшькә кадәрге  категориядә "Юл йөрү кагыйдәләрен бел һәм үтә!" номинациясендә 1нче урын алды. Наиләне котлыйбыз! Афәрин!

19 май көнне 10 класс укучылары класс җитәкчеләре Рүзилә Рафиковна җитәкчелегендә авылыбызның төп су бирә торган чишмә янын җыештырдылар.

Бүген 9нчы һәм 11нче сыйныф укучылары мәктәбебезнең БДИнарында организатор булачак укытучылар белән очрашты. Алар укып кайтканнан соң имтиханның тәртибе, нинди шартларда үтәчәге, укучыларга куелган таләпләр белән таныштырдылар.

Бүген мәктәбебезгә Арча социаль гуманитар техникумы директоры һәм аның урынбасары килде. Алар укучыларга укырга керү тәртибе, нинди юнәлешләрдә укып булганлыгын сөйләделәр. Укучыларның сорауларына җавап бирделәр.