28 нче гыйнвар көнне Урта Курса мәктәбендә Сеҗе зонасы мәктәпләре арасында чаңгы ярышлары үтте. Ярышта безнең мәктәп укучылары да үзләренең көчләрен сынадылар һәм призлы урыннар яулап кайттылар. 1нче урын - Хәбирова Ә., 2 нче урын - Шәмсемөхәмәтова И., 3 нче урын - Мәҗитова Г. Укучыларыбызга алдагы ярышларда да зур уңышлар телибез.

        Зур үрләр - кечкенә җиңүләрдән башлана. Мәктәп яны шугалагы балаларның шат авазыннан дәресләрдән соң да яңгырап тора. Кем белә, бәлки шушы укучыларыбыз арасында илебез данын яклаучы фигуралы шуу осталары бардыр?!

     Мәктәп күләмендә "Сумка" операциясе үткәрелде.Бу операциянең максаты: укучыларның уку кирәк-яракларына сакчыл карашны тикшерү. Шул максаттан башлангыч класс укучыларының китап-дәфтәрләре һәм көндәлекләре дежур укучылар тарафыннан тикшерелде.

   Биектау районы Ямаширмә урта гомуми белем мәктәбендә Галимҗан Барудиның иҗади мирасын өйрәнүгә багышланган I Республикакүләм фәнни - тикшеренү укуларында 6 нчы класс укучысы Солтанова Рәзилә (җитәкчесе татар теле һәм әдәбияты укытучысы Нәгыймова Равилә Рәфкать кызы)   чыгыш ясады. Солтанова Рәзилә сәнгатьле сөйләм бәйгесендә 3 урынга лаек булды. Алдагы бәйгеләрдә дә уңышлар телибез!

      Иске Кырлайда Фәнил Гарәфиев истәлегенә зур чаңгы ярышы үтте. Мәктәбебезнең 7 нче класс укучысы Шәмсемөхәммәтова Г. һәм 9 нчы класс укучысы Заһидуллин И. әлеге ярышта үз көчләрен сынадылар.

     Шагыйрь, прозаик, драматург һәм публицист, Татарстанның Г. Тукай исемендәге Дәүләт бүләге лауреаты Ркаил Зәйдуллага бүген 55 яшь. Мәктәбебез китапханәчесе Алия Рафисовна балаларны әдипнең иҗат һәм тормыш юлында күзәтелгән кызыклы вакыйгалар белән таныштырды.

   18 нче январь көнне республикакүләм "Класс җитәкчесе-2017" конкурсының зоналардагы этабы башланып китте. Бүген аның чираттагысы Урта Курса мәктәбе базасында үтте. Биредә  мәктәбебез данын яклап 6 нчы класс җитәкчесе Хисматуллин Илнар Илгизәр улы катнашты.

        Яңа ел уңаеннан Арча радиосы сайты үзенең тыңлаучылары арасында "Яңа ел бизәлеше" дип аталган конкурс үткәрде. Әлеге конкурста безнең мәктәп 1 нче урынга лаек булды: Диплом һәм истәлекле бүләк - Х.Камаловның 5 томлыгы тапшырылды.

              Кышка чорда укучылар чаңгыда, тимераякта шуарга яраталар. Бу уеннарда куркынычсызлык кагыйдәләрен һәрвакыт истә тотарга кирәк. Физик тәрбия дәресләре дә бу кагыйдәләр белән таныштырудан башлана.

             Каждый ребёнок от природы гениален, а помогут развить эту гениальность  участие в различных конкурсах и олимпиадах. Они развивают не только мышление, но и умение владеть мышкой, работать с клавиатурой и выходить в интернет. Образовательные конкурсы и олимпиады не только поддерживают и развивают интерес к изучаемым предметам, что и без того самоценно, но и стимулируют активность, инициативность, самостоятельность учащихся при подготовке вопросов по темам, в работе с дополнительной литературой; они удобны во внеклассной деятельности, помогают школьникам формировать свой уникальный творческий мир. С помощью подобных конкурсов и олимпиад ученики могут проверить знания, умения, навыки не только у себя, но и сравнить свой уровень с другими. Образовательные олимпиады и конкурсы объединяют учеников и преподавателей, побуждают их к сотрудничеству, предоставляя широкие возможности для личностно ориентированного обучения, проектной деятельности. Ученики начальных классов нашей школы тоже с большим старанием и увлечением участвуют в различных конкурсах, особенно в конкурсах и олимпиадах на сайте Учи.ру, побеждают и получают грамоты и дипломы. Желаем всем больших успехов!