Дәүләт имтиханнарына әзерлек дәвам итә. Имтихан һәр укучы өчен мөһим сынау булып тора. География буенча Дәүләт имтиханын уңышлы тапшыру өчен биремнәр эшләргә һәм имтихан структурасын өйрәнергә, аны тапшыруга әзерләнергә кирәк. Бүген 9 нчы сыйныф укучылары география буенча Дәүләт имтиханының сынау вариантларын эшләделәр. Барысына да имтиханнарны уңышлы тапшыруларын телибез.
        Продолжается подготовка к государственным экзаменам. Экзамен является важным испытанием для каждого учащегося. Для успешной сдачи государственного экзамена по географии необходимо решать задания и разобрать структуру экзамена, подготовиться к его сдаче. Сегодня учащиеся 9-х классов решили пробный вариант государственного экзамена по географии. Желаем всем успешной сдачи экзаменов.

   Һөнәри бәйрәмегез белән, хөрмәтле мөгаллимнәр!

       Бүген иң күркәм бәйрәмнәрнең берсе  – Халыкара укытучылар көнендә, күңел түреннән чыккан иң изге теләкләрне, иң җылы хисләрне җиткерәбез. Һөнәри бәйрәмегез белән хөрмәтле остазларыбыз! Кадерле укытучыларыбыз! Сезнең турында күпме матур шигырьләр язылган, моңлы җырлар җырланган. Әйтер өчен яңа сүзләр, матур теләкләр инде калмагандыр да сыман, тик гел яңа сәнгать әсәрләре, җылы теләкләр туа тора. Чөнки укытучы һөнәре гади һөнәр генә түгел, һәм укытучы – гади кеше генә түгел. Укытучы һәр кешенең тормышында иң мөһим роль уйнаучыларның берсе. Сез һәр кешенең тормышына үз сулышыгызны, үз карашыгызны кертәсез. Еллар буе йөзләгән-меңләгән балага җан җылыгызны, энергия, көчегезне эчкерсез рәвештә өләшкәннән соң да, шундый мөлаем булып кала алуыгыз, ихласлыгыгызны югалтмавыгыз безне сокландыра. Бездәге, ягъни бала күңелендәге ата-аналар күрми калган кайбер дулкынлану-үзгәрешләрне дә сез вакытында тоеп, иң кирәкле һәм мөһим сүзләр әйтә беләсез. Югалып калган, икеләнүләргә чумган баланың тынгысыз җанын тынычландырырдай, уйларын тәртипкә салырдай киңәшләр табасыз. Бала күңеле – бәллүр савыт сыман. Ә сез шул бәллүр белән эшләүче ювелирлар сыман. Киләчәктә кешенең ниндидер кыен хәлдә калгач, үз-үзен кулга алып, дөрес карар кабул итә алуы да, кайчандыр укытучысының: «Син булдырасың. Синең барысы да килеп чыгачак. Мин сиңа ышанам» – дигән сүзләренең тылсымлы кайтавазыдыр. Чөнки Сез – гади генә кешеләр түгел, сез чын тылсымчылар! Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.