Бүген мәктәбебездә ГТО нормативларын үтәү буенча чара булып узды. Укучылар һәр төр буенча әзерлекле булуларын күрсәттеләр. Әлеге чараларың максаты: сәламәт яшәү рәвешен пропагандалау, укучыларны физик культура һәм спорт белән шөгыльләнүгә тарту, сәламәтлекне ныгытуда ярдәм итү.

Сегодня в нашей школе прошло мероприятие по выполнению нормативов ГТО. Учащиеся продемонстрировали свою подготовленность по каждому виду. Цель этих мероприятий: пропаганда здорового образа жизни, привлечение учащихся к занятиям физической культурой и спортом, содействие укреплению здоровья.

     Мәктәбебезнең 9 нчы класс укучылары авылыбыз күрке булган музейга сәяхәт кылдылар. Укучылар, татар халкының бөек драматургы, язучысы, егерменче йөз башы татар әдәбияты, мәдәнияте һәм сәнгате тарихында зур урын алып торган әдипләрнең берсе булган Галиәсгар Галиәкбәр улы Камалетдиновның биографиясе һәм иҗаты буенча фикер алыштылар. Туган як тарихы һәм XIX гасыр татар йортының эчке күренеше белән таныштылар.

            Бүген мәктәптә җирлегебездәге участок инспекторы Кузьмин Данис Васильевич яшүсмерләр белән профилактик әңгәмә үткәрде. Очрашу кысаларында хокук бозуларны кисәтүгә юнәлдерелгән сораулар күтәрелде ягъни диструктив сайтларда утыру, чит кешенең милкен урлау, гаиләдә үз-үзеңне тоту, җәмәгать урыннарында һәм массакүләм чараларда, урамда үз-үзеңне тоту кагыйдәләре, тәмәке тарту һәм балигъ булмаганнарның машина йөрткәне өчен җаваплылыгы турында әйтелде. Әңгәмә балалар ягыннан зур кызыксыну белән узды. Данис Васильвич законнар турында гына түгел, ә кылган хокук бозулар нинди нәтиҗәләргә китерүе турында да сөйләде. Укучылар өчен әңгәмә кызыклы гына түгел, файдалы да булды,соңыннан балалар сораулар да бирделәр.