Бүген Халыкара туган тел көненә багышланган айлык башланды һәм Туган телләр һәм халыклар бердәмлеге елына старт бирелде. Татар халык иҗатының байлыгы булып торган мәкаль, әйтем, табышмаклар аша телебезнең байлыгын, матурлыгын күрсәтү, кроссвордлар чишәргә өйрәтү, укучыларда тапкырлык сыйфатлары, йөгерек фикерләү күнекмәләре, игътибарлылык формалаштыру, сүз байлыгын үстерү, туган телгә мәхәббәт тәрбияләү максатыннан  5 сыйныфта "Дөнья яктыра көн белән, адәм яктыра белем белән" дип исемләнгән тәрбия дәресе узды. Укучыларга белемнең яктылык, тормышыбыз яхшырак һәм баерак булсын өчен, безнең яшәеш юлыбызны гел яктыртып торучы нур булуы аңлатылды. 

    Бүген мәктәбебез укучылары  "Арча аграр-сәнәгать һөнәр көллияте" вәкилләре белән очраштылар. Алар әлеге уку йортында һөнәри әзерлек юнәлешләре турында сөйләделәр.

         Мәктәбебез "Яңа ел калейдоскобы" кар сыннары район конкурсында катнашучы дипломы белән бүләкләнде.

      Татарстанда 2021 нче ел  Туган телләр һәм халыклар бердәмлеге елы дип игълан ителде. Шул унайдан Г.Камал исемендәге Сикертән төп мәктәбенең залында “Татар милли ашлары” дигән күргәзмә төзелде. Бу күргәзмәдә татар халык ашларына багышланган китаплар тәкъдим ителде. Күргәзмәдә милли ашларның рецептлары да урнаштырылган. 

     Мәктәбебездә физик тәрбия һәм ТИН укытучысы Нәбиуллин Р.Р. җитәкчелегендә шахмат-шашка түгәрәге уңышлы гына эшләп килә. Элеге уен балаларның акыл көчен генә арттырып калмый, иҗади яктан да үстерә. Шахмат-шашка уены  уйнап, алар үзләрен тыныч тотарга, авыр мәсьәләләрне уйлап хәл итәргә өйрәнәләр. Укучылар түгәрәккә бик теләп йөриләр, шахмат һәм шашка уйнауның төрле алымнарын өйрәнәләр һәм ярышларда актив катнашалар. Остазларына һәм укучыларына зурдан-зур уңышлар телибез!

     Елның әкияти һәм матур вакыты-кыш. Ул дөньяга салкынннар , кар бураннары һәм кар көртләре алып килә. Әмма, шул ук вакытта, ул кышкы көнне күңелле үткәрү мөмкинлеге дә бирә. Тимераякта шуу хәрәкәт активлыгының уникаль төренә керә, ул бер үк вакытта спорт та, яхшы ял да булып тора. Аның уңай йогынтысын тою өчен, профессиональ фигурист булу мәҗбүри түгел-тимераякта шуарга өйрәнү һәм соңыннан даими рәвештә шугалакка йөрү дә җитә.

              13 гыйнварда Россия матбугаты көне билгеләп үтелә. Нәкъ менә бу көнне 1703 елда Петр I указы буенча "Ведомости" газетасының беренче саны дөнья күргән. Газета Мәскәүдә дә, Санкт-Петербургта да нәшер ителгән, шул ук вакытта даими исеме булмаган диярлек - «Ведомости», «Российские ведомости», «Ведомости Московские» дип тә аталган. 1870 елның 1 гыйнварыннан почта учреждниеләрендә Россия һәм чит ил басмаларына язылу тәҗрибәсе кертелгән. Бу вакытлы матбугатка язылу үткәрү турында беренче карар булган. Ә 1914 елда илдә өч меңнән артык газета һәм журнал нәшер ителгән. 1917 елдан башлап Россия матбугат көне 5 майга - төп совет газетасы - "Правда" чыга башлаган көнгә күчерелгән һәм Совет матбугаты көне дип үзгәртелгән. Бары 1991 елда гына РФ Югары Советы Президиумының 28 декабрьдә кабул ителгән "Россия матбугаты көне турында"гы карары белән Россия матбугаты көне 13 гыйнварга күчерелгән.

     Мәктәбебез укучылары төрле конкурсларда, чараларда актив катнашалар. II нче Бөтенроссия экологик диктантында катнашып, Мәҗитова Г.Д., Хәбирова Ә. И., Гобәева А.А., Шәмсемөхәмәтова И. И. җиңүче дипломына ия булдылар. Укучыларга алга таба да зур уңышлар телибез.

     Күңелле бәйрәм ялларыннан, озын каникулдан соң мәктәптә укуның иң озын чиреге - III чирек башланды. Сагындырып кына яуган ап-ак карга күмелеп кышкы каникуллар да үтеп китте. Ә бүгеннән инде укырга!  Хәерле сәгатьтә!

     Буген 6-нчы сыйныф укучылары класс җитәкчесе Сәгыйдуллина Ч.Р. белән Гөберчәк авылында урнашкан М.Мәһдиев музеена экскурсиягә бардылар. Музей мөдире Габидуллина Х.К. укучыларны М.Мәһдиевнең тормышы һәм иҗат юлы белән таныштырды.  Укучылар "Тарих! Дөньяда иң бөек нәрсә - син! Син тузмыйсың, байыйсың гына" (М.Мәһдиев)  дип исемләнгән стенд янында тукталдылар.  Бу стенд буенча музей мөдире Гөберчәк авылы тарихы, авыл тарихында якты эз калдырган кешеләр турында сөйләде.