Бүгеннән Ташкичү мәктәбе каршында оештырылган “Ак каен “ балалар лагере үзенең эшен башлап җибәрде. Көн бик тыгыз булды. Балалар звеноларга бүленделәр,исемнәр сайладылар.

  ”Дустыңа елмаю бүләк ит!” дигән акциядә катнаштылар. 1июнь – Балаларны яклау көне уңаеннан да бик күңелле  чаралар уздырылды. ”Күңелле балачак”  дигән исем астында асфальтка рәсем конкурсы  һәм “Сәламәт тәндә - сәламәт акыл” дигән исем астында  мавыктыргыч бәйрәм  оештырылды. Халкыбызның милли уеннары уйналды.Әкият геройлары катнашында үткән бу чара һәр баланың күңеленә хуш килде.

   Бүген 5-9 класс укучылары табигатькә экскурсия ясадылар. Алар табигать белән таныштылар һәм гражданнар оборонасы буенча ел буе өйрәнгән күнекмәләрне үтәп карадылар.

    Бүген безнең мәктәптә Лесхоз урта мәктәбенең 6 класс укучылары кунакта булдылар. Аларны барлык куркынычсызлык кагыйдзләрен үтәгән хәлдә кабул иттек.  Укучылар фәлсәфәче, галим, тарихчы Ш.Мәрҗани музеенда булдылар, М.Галәү тормышы, иҗаты бедән таныштылар.