20 гыйнвар көнне  Әтнә халык театры укучыларыбыз алдында "Кәҗә белән Сарык" спектакле белән чыгыш ясадылар. Спектакль үз эченә  Г. Тукайның берничә әсәрен алган. Артистлар бик үзенчәлекле , матур, тәэсирле чыгыш ясадылар. Музыкаль бизәлеш,  костюмнар, декорция бик матур булды. Артистларга зур рәхмәт.

Туган җирнең иркен кочагына

Тәпи-тәпи барып кердем мин.

Һәр адымда яшәү ямен күрдем

Тормыш җырын тыңлап йөрдем мин.

Әлеге шигъри юллар Субаш-Аты аылында туып үскән якташ язучыбыз, укытучы-фронтовик Солтан Гыйлемхановныкы. 19 нчы январь  көнне мәктәбебездә язучының 105 еллыгына багышланып, “Яратып яшәргә кирәк” дип исемләнгән искә алу- әдәби кичәсе узды. Әлеге бәйрәмдә Арча районы “Казан арты” музее директор урынбасары Гарипов  Шафигулла Зәйнулла улы, музей хезмәткәре Ленар Гобәйдуллин; язучының улы, “Ватаным Татарстан” газетасы журналисты, “Тукай” фонды директоры Р. Гыйлемханов; пенсионер-укытучылар, С. Гыйлемханов белән бергә эшләгән авылдашы Сәвия апа Вәлиева катнашты. Шагыйрьнең йөрәк җылысын сеңдергән матур әсәрләре укучылар тарафыннан башкарылды. Чакырылган кунаклар кабатланмас хатирәләре белән уртаклашты. “Казан арты” музее зур бүләк-Арча районы язучыларнының китапларыннан күргәзмә алып килеп, алар белән укучыларыбызны таныштырдылар.  Туган якларыбыздан чыккан мондый кабатланмас шәхесләребез-безнең горурлык. Укучыларыбызда патриотик хисләр тәрбияләүдә аларның иҗаты-үрнәк.

18 нче гыйнвар көннне Югары-Аты авылында зона мәктәпләре арасында " Шорт-трек" ярышлары узды.Безнең мәктәп укучылары да бу ярышта катнаштылар Закиров Р., Самиева И. , Самиев Н., Хисамутдинова Ф. , 1 урыннарны алып, 24 нче гыйнварда Арчаның 5 нче гимназиясендә утәчәк финалга уздылар. Уңышлар Сезгә егетләр-кызлар!

Атналык линейкада макулатура җыя башларга тәкъдим ителде.

Бүген мәктәптә Мөстәкыйль балалар проектында катнашучы укучылар Халыкара "Рәхмәт" көненә карата "Рәхмәт агачы" дип аталган акция уздырдылар.Балалар белән  "рәхмәт" , "ихтирам", "хөрмәт" сүзенең мәгънәсен тирәнтен аңлау өчен әңгәмә алып барылды. Ахырдан һәр укучы үзләренең рәхмәт сүзләрен язып "Рәхмәт агачы"на элделәр.

5 гыйнвар көнне  мәктәбебездә "Барыбыз да чаңгыга" девизы астында укучылар, укытучылар  чаңгыда йөрергә чыктылар.

Бүген мәктәптә 2 нче чирек нәтиҗәләре буенча ата-аналар җыелышы булды.

Бүген мәктәптә беренче яртыеллык нәтиҗәләре буенча педагогик киңәшмә булды.

Бүген мәктәбебездә   Яңа ел бәйрәме үтеп китте.  Балалар Кыш бабай, Кар  кызы ,  әкият - мультфильм геройлары   белән очраштылар. Бәйрәмгә багышланган шигырьләр,скетчлар, җырлар, биюләр башкардылар. Кыш бабайдан  татлы күчтәнәчләр алдылар. Чыршы бәйрәменә әти-әниләр, әби-бабайлар дә  килделәр. Балаларының уңышларына, матур чыгышларына сөенеп,  рәхәтләнеп ял иттеләр.