Бүген помидорларның араларын эшкәрттек. Озыннарын кабат бәйләп чыктык. Ял зонасында чабылган газонны чистартып тырмалап түктек. 

Бүген  яңгырлардан соң мәктәп алдындагы яраннар арасын укучылар белән матиклап чүпләрен алып чистарттык.

Бүген Түбән-Аты авылында сабан-туе. Безнең мәктәп укучыларын тренерлары сабан-туена милли көрәшкә чакырды.  Нәтиҗәдә укучыларыбыз 1 нче 2 нче, 3 нче урыннарны алып кайттылар.

График буенча мәктәп бакчасында эш дәвам итә. Һәр укытучы үз вакытында укучылар белән билгеле график буенча эшлиләр.

Санаулы көннәр тиз үтә. Бүген- 21 июнь, Лагерьның соңгы көне. Лагерьда бик күңелле бәйрәм – Сабантуй  гөрләде. Балалар бик күп уеннар уйнадылар: капчык киеп чабу, кашык белән су ташу, чүлмәк вату... . Уеннар җыр, бию, нәфис сүз белән бергә үрелеп барды. Бәйрәмдә берәү дә бүләксез калмады. Лагерь балаларга бик ошады. Сау бул лагерь!

Хәрби хезмәт-егетләрнең Ватан  алдында торган бурычы. Мәктәбебездә укыган укучыларыбыз төрле өлкәләрдә ил алдындагы бурычларын үтиләр. 2014 нче елда 9 нчы сыйныфны тәмамлап киткән Вәлиев Ф.Ф хәрби бурычын үтәп, туган ягына кайтты. 

Мәктәп стадионында бу атнада бергәләп печән чаптык.

"Кояшкай" лагерында укучылар төрле уеннар уйныйлар,  бүген алар флаг эзләделәр.

"Кояшкай" лагерына йөрүче укучылар балык тотарга бардылар.

Россия көненә карата бәйрәм гөрли. Балалар отрядларга бүленеп үзләренең илебез турында белемнәрен күрсәтәләр.