16 нчы июльдә -район күләмендә оештырыласы балалар фестиваленә барырга теләүче укучылар булса, әти-әниләрегез белән килешеп,  класс җитәкчеләре белән сөйләшеп баругыз сорала.

Бүген мәктәбебез укытучылары күмәк коллектив белән медосмотр үтәләр. Үз сәламәтлегеңне белү үзең һәм тирә-ягыңдагы кешеләр өчен дә кирәк. Балалар белән эшләүче кешеләрнең сәламәт булуы зарур.

Кара һәм кызыл карлыган өлгерде. Мәктәп укучыларыннан арткан кара карлыганны һәм кызыл карлыганны сату күздә тотыла. Сатып алырга теләк белдерүчеләр булса 8(843)66-50311 мәктәп телефонына шалтыратуыгызны көтеп калабыз.

ТВОЯ РОССИЯ.РФ 
Уважаемые родители, коллеги и ученики! Проголосуйте за изображение символов Казани на новых купюрах номиналом 200 и 2000 рублей на сайте твоя россия.рф

Быел ел яңгырларга бай булмау сәбәпле үсемлекләргә суны даими сибеп тору кирәк булды. Мәктәп югарыда урнашкан булу сәбәпле суны кайвакытта төннәр буе тутырырга туры килә, чөнки су көндез килми. Бу эшне мәктәптә  ел саен  эшләүче Исмәгыйлев Рафаил Вансит улы җиренә җиткереп башкара. Коры ел булгач бөҗәкләр дә үрчи-үсемлекләргә зарар китерә. Бу эшне дә Рафаил Вансит улы үз вакытында белеп төгәл итеп эшли.Сезгә исәнлек һәм сабырлык телибез Рафаил абый!  

Җәйге ял вакытында укучыларга сувенирлар, кул эшләре белән шөгыльләнү өчен вакыт җитәрлек. Шул уңайдан районда балалар кулы белән эшләнгән кул эшләрен җыеп сату мөмкинлеге бар-16 нчы июльдә Арча укучылар сараенда оештырылачак ярминкәгә үзегез ясаган кул эшләрен тапшырырга соңга калмагыз.

Тәҗрибә участогында эш күп булуга карамастан укучылар да укытучылар да кулдан килгәнчә график нигезендә тырышып эшлиләр. Отпуск вакытында да күмәк эш таләп ителгән вакытта коллективта укытучылар һәм техник хезмәткәрләр кирәк вакытта  килеп эшлиләр. Рәхмәт барыгызга да 1 га лы бакчада көчегезне кызганмыйча намус белән эшләгәнегез өчен.

Дару үләннәрен җыярга онытмыйк! Әйе! Һәр әйбернең үз вакыты бар, оныткан булсагыз ашыгыгыз дару үләннәрен җыю өчен менә дигән көннәр. Мунча себеркесен җыю вакыты да килеп җитте.

Җәйге ялда укучыларыбызның күбесе әти-әниләре белән бергәләп шәһәрләргә кунакка, су буенда су коенырга-балык тотарга, бакча чүбе утау-су сибү, йорт эшләре белән мәшгуль. Кайбер укучыларыбыз өстәмә эшләр эшлиләр  гаиләләренә матди ярдәм күрсәтәләр. Җәйге ялларыгыз файдалы узсын балалар, исән-сау көч туплап, мәктәпкә укырга килүегезне көтеп калабыз!

Сез ышанасызмы? Каен төбендә рәваҗ һәм көрән үсә... Әйе! Бу безнең мәктәп бакчасындагы киселгән  төпләп булмаган зур каен төпләренең берсенә-көрән, икенчесенә- рәваҗ утыртып куйдык. Бүгенгесе көндә алар матур гына үсеп киләләр.