Көннәр эссе булу сәбәпле тирә-ягыбыздагы кешеләргә, хайваннарга, үсемлекләргә аеруча игътибарлы булыйк. Организмга  эсселек кире тәэсир ясарга мөмкин.

Директорыбыз Гөлназ Галиевна мәктәп алдына сукмак салуны максат итеп куйды һәм бүгенгесе көндә сез брусчаткалардан  салынган сукмакны күрә аласыз.

Көннәр эссе булу сәбәпле җир җиләге кибәргә мөмкин. Табигать биргән хәзинәдән файдаланып калыгыз-болынга җир җиләге җыярга ашыгыгыз!

Кыяр, помидорлар теплицада һәм ачык грунтта үсә.

Көн саен мәктәп яны һәм тәҗрибә участогында дежур укытучы,  укучылар график нигезендә эшлиләр. Алар чүп үләннәрен утыйлар, су сибәләр.

 Дару үләннәрен җыярга онытмыйк! Юкә чәчәк атты.

Быел мәктәбебездә 15 укучы 9 нчы сыйныфны тәмамлап, өлгергәнлек аттестаты алдылар. Елдагыча әти-әниләре белән бергәләп аттестат алу үзе зур бәхет. Алдагы сынауларда да уңышлар сезгә укучыларыбыз, үзегез сайлаган профессияләрегезгә тугры булып, әти-әниләрегезне, безне шатландырып яшәгез!

Мәктәбебезне тәмамлаучы егетләр арасында армия сафларына теләп китүчеләр саны елдан-ел арта бара. Армия сафларына китүче егетләрне Иске Кишеттәге герой Гани Сафиуллин музей-йортыннан озату турындагы тулырак мәкаләне "Арча хәбәрләре" (24 нче июнь №46) газетасыннан укый аласыз. Булачак солдатларга изге бурычларын үтәп, исән-имин хезмәт итеп кайтып, якыннары- туганнары белән күрешеп, хыялларын чынга ашырып, сөенеп ,озын-бәхетле гомер кичерергә насыйп булсын!!! 

Бүген 2 нче тапкыр укытучылар һәм техник хезмәткәрләр белән берлектә бәрәңге төбен матиклап чыктык. Башка еллардан аермалы буларак быел бәрәңге күп утыртылды, төбенә трактор белән өйдердек.

Быел мәктәп яны тәҗрибә участогына виктория җиләге утыртып карадык. Әле генә чәчәк аткан җиләкләр  пешә дә башладылар.